Tomas Müller Çempionlar Liqasının (ÇL) rekordçularının sırasına qoşulub.

“Bavariya”nın futbolçusu Kriştiano Ronaldo və Rayan Giqqzə məxsus göstəricini təkrarlayıb. 35 yaşlı Tomas buna “Şaxtyor”u ilə oyunda (5:1) qol vurmaqla nail olub. O, Ronaldo və Giqqz kimi ÇL-də ardıcıl 16 mövsümdə qol vurmağı bacarıb. Bu göstəricidə Lionel Messi və Kərim Benzema ilk yerləri bölüşürlər. Hər iki futbolçu ardıcıl 18 mövsümdə rəqib qapılarına yol tapıb.

Qeyd edək ki, Müller bu mövsüm bütün yarışlarda meydana çıxdığı 20 oyunda 4 qol vurub və 3 məhsuldar ötürmə edib.