“Zenit” lider oldu, Uqalde derbidə şou göstərdi - İCMAL
Tur “Rubin”in “Akron”u darmadağın etməsi ilə start götürdü. Debütant “Akron” bu mövsüm artıq 5-ci dəfə böyük hesabla uduzdu. Tolyatti təmsilçisindən başqa bu mövsüm iki dəfədən çox darmadağın olan klub yoxdu.
“Zenit” autsayder “Orenburq”la səfər oyununda çox ciddi müqavimətlə üzləşdi. Hətta meydan sahibləri 38-ci dəqiqədə azlıqda qalandan sonra da son çempion uzun müddət qol vura bilmədi. Sankt-Peterburq nəhəngi əsas vaxtda bacarmadığını son anlarda bacardı. Əvvəlcə Qondunun vurduğu qol bir neçə dəqiqəlik VAR araşdırmasından sonra ofsayd üzündən qeydə alınmadı. Amma oyun bərpa olunan kimi Yeroxin bu dəfə qaydalar çərçivəsində başla fərqlənərək komandasına qələbə qazandırdı. 35 yaşlı Yeroxin ”Zenit”in heyətində sonradan meydana çıxdığı oyunlarda vurduğu qolların sayını 11-ə çatdırdı. Bu, XXI əsrdə klubun yeni rekordudu. ÇSKA “Rostov”la ev oyununda erkən qol vursa da, sonda heç 1 xal da qazana bilmədi. “Rostov” bununla da “hərbçilər”ə qarşı 9 oyunluq qələbəsiz seriyaya son qoydu. Meydan sahiblərinin ikinci hissədə qapıya bir dəfə də zərbə vurmaması diqqəti çəkdi. Bu, müvafiq statistikanın aparıldığı 2009-dan bəri ÇSKA üçün ilk belə haldı!
“Krasnodar” bu aralar yenə xalları sağa-sola paylamaqla məşğuldu. Ötən tur “Rubin”lə səfər oyununda heç-heçə ilə kifayətlənən Murad Musayevin komandası bu dəfə iddiasız “Ximki” ilə oyunda qələbəni son anlarda əldən verdi. Budəfəki xal itkisi “Krasnodar”a zirvəni əldən vermək bahasına başa gəldi. Komanda üçün yeganə təsəlli məğlubiyyətsiz seriyanın davam etməsi oldu. “Krasnodar” Rusiya çempionatında ilk 16 turu məğlubiyytsiz başa vuran 3-cü komandadı. Daha öncə bunu 2005-də “Lokomotiv” (ilk məğlubiyyət 20-ci turda qeydə alınmışdı) və 2010-da “Zenit” (24) bacarmışdı. Turun ən məhsuldar və dramatik oyunu isə derbiyə təsadüf etdi. “Spartak”ın gözlənilmədən “Lokomotiv”i darmadağın etdiyi oyun Uqaldenin benefisinə çevrildi. O, XXI əsrdə Rusiya çempionatında “Spartak”ın heyətində poker edən ilk futbolçu oldu! Daha öncə bunu yalnız Valeri Masalitin (1994), Andrey Tixonov (1994) və Aleksandr Şirko (1998) bacarmışdı. Çempionat çərçivəsində ilk dəfə “Loko”ya 5 qol vuran “Spartak” turnir cədvəlində bu komanda ilə xal fərqini 3-ə endirdi.
16-cı tur
Orenburq – Zenit 0:1
Yeroxin, 90+6.
Zenit: Adamov, Yerakoviç (Mantuan, 41), Nino, Alip, Santos, Barrios, Klaudinyo, Qluşenkov (Yeroxin, 79), Pedro (Artur, 79), Mostovoy (Qondu, 60), Sobolev (Kassyerra, 46).
Ximki – Krasnodar 2:2
Rudenko, 80. Vera, 90+4-p. – Batçi, 46. Qazinski, 86.
Krasnodar: Aqkatsev, Petrov (Qonsales, 80), Tormena, Kosta, Olasa, Pina, Krivtsov (Kastanyo, 64), Batçi (Smolov, 80), Spertsyan (Qazinski, 80), Sa (Olusequn, 79), Kordoba.
Spartak – Lokomotiv 5:2
[/b]Uqalde, 10; 21; 34; 73. Barko, 80 – Pinyaev, 55. Nyamsi, 63.
Spartak: Maksimenko, Denisov, Duarte, Babiç, Ryabçuk, Umyarov, Martins (Prutsev, 70), Barko (Zorin, 90+1), Bonqonda (Medina, 71), Markinyos, Uqalde (Nikolson, 90).
Lokomotiv: Lantratov, Nenaxov (Pinyaev, 46), Nyamsi, Montes, Silyanov, Karpukas (Süleymanov, 46), Barinov, Samoşnikov, Tiknizyan (Saltıkov, 60), Batrakov (Sevikyan, 79), Vorobyov (Sarveli, 46).
[b]ÇSKA – Rostov 1:2
Kellven, 4 – Qolenkov, 77; 89.
ÇSKA: Akinfeyev, Kellven, Diveyev, Lukin, Moyzes, Kruqovoy (Quarirapa, 86), Zdelar, Bistroviç, Oblyakov, Fayzullayev, Musayev (Jemaletdinov, 86).
Fakel – Dinamo M 1:1
Qiorqobiani, 90+9 – Fomin, 26.
Rubin – Akron 3:0
Daku, 10; 20. Fameye, 88-p.
Krılya Sovetov – Axmat 2:1
Oroz, 49. Dmitriev, 89 – Samorodov, 43.
Nijni Novqorod – Dinamo Mh 0:0
1. Zenit 16 12 3 1 34-7 39
2. Krasnodar 16 11 5 0 34-9 38
3. Lokomotiv 16 11 1 4 32-23 34
4. Spartak 16 9 4 3 30-14 31
5. Dinamo M 16 9 4 3 32-18 31
6. ÇSKA 16 8 3 5 25-12 27
7. Rubin 16 6 4 6 20-22 22
8. Rostov 16 5 5 6 22-27 20
9. Nijni Novqorod 16 4 4 8 15-27 16
10. Akron 16 4 4 8 19-33 16
11. Dinamo Mh 16 3 7 6 9-14 16
12. Krılya Sovetov 16 4 3 9 15-24 15
13. Ximki 16 2 7 7 18-30 13
14. Fakel 16 2 7 7 11-24 13
15. Axmat 16 1 6 9 14-31 9
16. Orenburq 16 1 5 10 16-31 8
Bombardirlər: Uqalde (Spartak) – 12, Batrakov (Lokomotiv) – 10, Kordoba (Krasnodar), Daku (Rubin) – 8.
Oyundan sonra
Sergey Semak, “Zenit”in baş məşqçisi:
“Rəqibin azlıqda qalmasına baxmayaraq, oyun bizim üçün çox çətin alındı. “Orenburq” yaxşi müdafiə olunurdu, bizə boş zonalar vermirdi. Ona görə də qol vəziyyətlərimiz, demək olar, yaranmırdı. Təəssüf ki, standart zərbələrdən də heç nəyə nail ola bilmirdik. Digər tərəfdən, “Orenburq” həm də əks-hücumlara yaxşı çıxdığından müdafiədə də diqqətli olmaq məcburiyyətindəydik. Bütün bunları nəzərə alanda belə rəqibi yenmək bizim üçün önəmlıidi. Son anlar çox emosional alındı. Vurduğumuz ilk qola ürəkdən sevinsək də, qeydə alınmadı. Amma enerjimizi itirmədik və irəli atılaraq növbəti hücumda yenə qol vurduq. Göründüyü kimi, zirvə uğrunda gərgin mübarizə gedir. Hər xalın dəyəri var. Ona görə də mümkün qədər az xal itirməyə çalışırıq”.
Murad Musayev, “Krasnodar”ın baş məşqçisi:
“Son dəqiqələri daha diqqətli keçirməliydik. Çox sadə qollar buraxdıq. Elə penalti epizodunda da diqqətsizliyə yol verdik. Amma ümumilikdə komandamdan razıyam. Hər kəs var gücünü qoydu və meydana yaxşı motivasiya ilə çıxmışdıq. Son 5 turdan 4-nü səfərdə keçirmişik. Emosiyalara qapılıb aqressiv açıqlama vermək istəmirəm. Bir qədər sakitləşəndən sonra oyunu təhlil edib növbəti matçlara hazırlaşacağıq. Hava şərtləri ağır idi. Fikrimcə, biz qələbəyə daha çox layiq idik. Amma sonda xırda detallar nəticəyə təsir etdi. Çalışmalıyıq ki, oyunların son anlarını daha yaxşı keçirək”.
Digər xəbərlər
