"Lənət olsun, bu, tam utandırıcıdı" - "Qarabağ"ın qələbəsi Norveçdə necə qarşılandı?
"Qarabağ" Avropa Liqasının 4-cü turunda "Bude/Qlimt" səfərindən 3 xalla qayıtdı - 2:1. Bununla "köhlən atlar"ın pley-offda iştirak şansı bir qədər artdı. İndi, sadəcə, dayanmamaq, növbəti xalları toplamaq lazımdı.
Təbii ki, rəqib bunu gözləmirdi. Nəinki "Bude/Qlimt"in düşərgəsində, Norveç mətbuatında da meydan sahiblərinin qələbə qazanacağına şübhə ilə yanaşan, demək olar ki, yox idi.
"Football-plus.az" xəbər verir ki, "dagbladet.no" nəşri Bude təmsilçisinin məğlubiyyətini belə şərh edib:
"Bude/Qlimt" matçın böyük hissəsində hücum futboluna üstünlük verdi. Amma ikinci qolu vurmaq mümkün olmadı. Məlum olduğu kimi, avrokuboklarda qol vura bilmirsənsə, rəqib səni cəzalandırır. "Qarabağ" da belə etdi. Azərbaycanlılar qəfil yaranan fürsəti dərhal dəyərləndirdi. Villads Nilsen və Fredrik Şyovoldun zəif müdafiə performansı komandanı vacib qələbədən uzaq saldı.
"Bude/Qlimt" "Qarabağ"a qalib gəlsəydi, Avropa Liqasındakı yoluna məğlubiyyətsiz davam edəcəkdi. Lakin yerli publika komandanı dəstəksiz qoydu. Onlar vacib döyüşə axışmadı. Oyun günü açıqlanan məlumata görə, cəmi 5577 bilet satılmışdı. Lənət olsun, bu, tam utandırıcıdı".
"Bude/Qlimt" "Qarabağ"a qalib gəlsəydi, Avropa Liqasındakı yoluna məğlubiyyətsiz davam edəcəkdi. Lakin yerli publika komandanı dəstəksiz qoydu. Onlar vacib döyüşə axışmadı. Oyun günü açıqlanan məlumata görə, cəmi 5577 bilet satılmışdı. Lənət olsun, bu, tam utandırıcıdı".
KƏNAN BAHADIR
Digər xəbərlər
