Oveçkin Qretski ilə fərqi 36 qola endirdi
MHL-də ən aktual suallardan biri də “Vaşinqton”un rusiyalı forvardı Aleksandr Oveçkinin kanadalı əfsanə Ueyn Qretskiyə məxsus qol sayında rekordu (894) nə vaxt yeniləyəcəyidi.
Oveçkin oktyabrın 30-da komandasının “Reyncers” üzərindəki qələbəsinə iki qolla töhfə verdi. O, dublla qol sayını 857-yə çatdırdı.
“Vaşinqton” dünən də “Monreal”ı darmadağın etdi. Həm qol vuran, həm də iki məhsuldar ötürmə verən Oveçkin yenə ön planda idi. Beləliklə, rusiyalı hücumçu karyerasındakı 858-ci qolu vurmaqla Qretskidən geriliyi 36 qola endirdi. Ovinin komanda yoldaşı Aleksey Protas oyundan sonra bunları dedi:
“Ovi qolu elə bayram edir ki, sanki MHL-də ilk dəfə fərqlənib. Halbuki hamımız onun qeyri-real görünən rekorda çatmağa çalışdığını bilirik. Gözlərinin ifadəsinə baxanda uşaq sevinci görmək olur. Bu nəsə xüsusi bir hissdu. Məhz belə məqamlar onu qeyri-adi oyunçuya və bombardirə çevirir”.
Bu arada “Edmonton”un kapitanı Konnor Makdevidin ən azı iki həftə buzdan kənarda qalacağı məlum olub. Kanadalı hücumçu “Kolambus”la oyunun elə 1-ci dəqiqəsində aşağı ətrafından zədə alaraq mübarizəni davam etdirə bilməyib. Forvard buz üzərində cəmi 37 saniyə qalıb. İnsayder Elliott Fridman sosial şəbəkə hesabında bu haqda belə yazıb:
“Yaxşı xəbərim var. Xoşbəxtlikdən Makdevidlə bağlı pis ssenari təsdiqlənmədi. Belə görünür ki, o, ən azı iki həftədən sonra sıraya dönəcək, ancaq dəqiq müddət bir neçə günə bilinəcək”.
Xatırladaq ki, Makdevid cari mövsümdə 10 oyuna çıxıb, 3 qol vurub və 7 məhsuldar ötürmə verib.
29 oktyabr
Baffalo – Florida 2:5 (0:2, 2:1, 0:2)
Kolambus – Edmonton 6:1 (3:0, 1:0, 2:1)
Tampa-Bey – Neşvill 3:2 ОТ (2:0, 0:2, 0:0, 1:0)
Vinnipeq – Toronto 4:6 (0:2, 2:3, 2:1)
Kolorado – Çikaqo 2:5 (2:3, 0:0, 0:2)
Yuta – San-Xose 4:5 ОТ (2:0, 2:1, 0:3, 0:1)
Vankuver – Karolina 3:4 ОТ (1:2, 0:1, 2:0, 0:1)
Veqas – Kalqari 5:0 (1:0, 1:0, 3:0)
30 oktyabr
Boston – Filadelfiya 0:2 (0:0, 0:1, 0:1)
Monreal – Sietl 2:8 (1:4, 0:2, 1:2)
Aylenders – Anahaym 1:3 (0:1, 0:1, 1:1)
Ottava – Sent-Luis 8:1 (3:0, 3:0, 2:1)
Vaşinqton – Reyncers 5:3 (3:1, 1:2, 1:0)
Pittsburq – Minnesota 3:5 (2:2, 0:2, 1:1)
San-Xose – Los-Anceles 4:2 (0:0, 1:1, 3:1)
31 oktyabr
Kolambus – Aylenders 2:0 (0:0, 0:0, 2:0)
Detroyt – Vinnipeq 2:6 (0:3, 2:0, 0:3)
Kolorado Tampa-Bey 2:5 (1:3, 0:1, 1:1)
Yuta Kalqari 5:1 (2:0, 2:1, 1:0)
Los-Anceles Veqas 6:3 (2:0, 2:1, 2:2)
Vankuver Nyu-Cersi 0:6 (0:1, 0:3, 0:2)
1 noyabr
Karolina Boston 8:2 (4:1, 2:1, 2:0)
Filadelfiya Sent-Luis 2:1 (1:0, 0:0, 1:1)
Pittsburq Anahaym 2:1 ОТ (0:1, 0:0, 1:0, 1:0)
Toronto – Sietl 4:1 (1:0, 2:0, 1:1)
Vaşinqton – Monreal 6:3 (0:0, 3:3, 3:0)
Neşvill – Edmonton 1:5 (1:2, 0:1, 0:2)
San-Xose – Çikaqo 3:2 (1:2, 2:0, 0:0)
Digər xəbərlər
