“Əlbəttə, “Kəpəz”ə qarşı böyük qərəz var. Bu qədər təsadüf ola bilməz. Göz görə-görə komandanı “sındırırlar”. Yəqin ki, AFFA-nın yazdığı yeni inkişaf strategiyasında “Kəpəz”ə yer yoxdu. Düşünürəm ki, klubun sponsoru olmadıqca belə davam edəcək. Hansısa qurumun bu haqsızlığın qarşısını alacağına inanmırıq. İki il əvvəl “Sumqayıt”ın “Kəpəz”ə vurduğu qol zamanı ofsayd qeydə alınsa da, sayılmışdı. Həmin vaxt Barış Şimşək demişdi ki, gecə yata bilmədim. Frank De Blekere isə haqsızlığa göz yumur. Hakimlər kiminsə marağına əsasən addım atmağa davam etsin. Əminəm ki, qərəzli qərarlar təkcə “Kəpəz”in yox, rəqiblərinin də inkişafına mənfi təsir edəcək”.