"Düzdü, "Qarabağ" hələ xal toplaya bilməyib. İndi sonuncu sıradadı. Buna görə bəzi futbolsevərlərin narahat olmağa başlaması təbiidi. Amma mən belə düşünmürəm. Ağdam təmsilçisi heç bir rəqibinə oyun tərzinə görə uduzmayıb. Hansısa oyunda zəif təsir bağışladığını demək doğru olmaz. Qarşıda hələ beş matç var. Kollektiv yeni formata uyğunlaşmalıdı. Bir məqamı dərk etməliyik ki, "Qarabağ" yüksəldikcə keyfiyyətcə yüksək komandalara qarşı mübarizə aparmalı olur. Onları yalnız müdrik oyunla məğlub etmək mümkündü. Ümid sonda ölür. Şəxsən mən inanıram ki, Qurban Qurbanov rəqiblərinə qalib gəlməyin yolunu tapacaq. Nəzərə alınması vacib olan məqamlardan biri də avrokuboklarda irəlilədikcə təzyiqin xeyli artmasıdı. Sadəcə, buna tab gətirmək lazımdı. Məncə, "Qarabağ" tezliklə toparlanacaq. Reallıq onu göstərir ki, pley-offa vəsiqə qazanmaq şansı böyükdü və çətin olsa da, bunu bacarmaq mümkündü. Bizim öhdəmizə düşən isə Qurban Qurbanovun və komandasının ətrafında sıx birləşmək, onları tək qoymamaqdı. Kollektivimizin Avropadakı sınaqlarına ümidlə yanaşmalıyıq. "Qarabağ" mütləq həmin ümidləri doğruldacaq".