''Arnoldun yanvarda ayrılacağını düşünmürəm. Amma ''Real''dan təklif alsa, geri çevirmək çox çətin olacaq. Arnold ayrılmaq istəsə, onu heç kim günahlandıra bilməz. Bellingem də yığmanın düşərgəsində olarkən onu ''Real''a gəlməyə səsləyə bilər. Bunu istisna etmirəm. ''Real'' bu yay sərbəst statusda olan Kilian Mbappeni transfer etdi. Yəni komanda sərbəst ulduzları Madridə gəlməyə razı sala bilir. Ona görə də gələn yay bu siyahıya Arnold da daxil ola bilər. Onun cərimə zərbələri möhtəşəmdi. Mən Devid Bekhemdən bu yana cərimə zərbələrini bu cür yerinə yetirən ingilis futbolçu görməmişdim. Ötürmələri, texnikası və başqa bacarıqları izləyənləri məst edir. Əvvəllər fanatlar ''Enfild''ə Ouen və ya Torres kimi ulduzları izləmək üçün gəlirdilər. Amma indi onlar Arnoldun sağ cinahdakı performansını izləmək üçün gəlirlər''.