“Türk olan hər kəs üçün yığmanın qapıları açıqdı. Bura ən güclülərin toplaşdığı yerdi. Biz də ən yaxşıları komandaya qazandırmaq, “hovuzu” genişləndirmək üçün əlimizdən gələni edirik. Burda əsas meyar odu ki, onlar özləri Türkiyədə oynamağı ürəkdən istəsinlər. Xaricdə doğulan, eləcə də türk dilində danışa bilməyən vətəndaşlarımız var. Burdakı ab-havanı onlara anlatmağa, ay-ulduzlu formanın önəmini başa salmağa çalışırıq. Axı bizin qanımızdan olanlar nə üçün başqa yığmanın şərəfini qorumalıdı? Bununla bağlı geniş araşdırmalarımız davam edir. Dəniz Gül böyük gələcək vəd edən futbolçulardan biridi. Özü də Türkiyənin ehtiyac duyduğu “9 nömrə”, yəni mərkəz hücumçusu mövqeyində oynayır. Dəyərli futbolçudu. Yığmanın məşqçilər korpusunun da çox incələdiyi və bəyəndiyi oyunçudu. Onu yığma komandamıza qazandırmaq istəyirik. Hazırda İsveçin U-21 yığmasında çıxış edir. Onunla söhbətdə özünün də Türkiyə üçün oynamaqda maraqlı olduğunu hiss etdik. Amma məsələnin yekunlaşmasına hələ çox var. Əvvəlcə onun razılığını almalı, sonra da bunu sənədləşdirməliyik. Dənizdən başqa da diqqət mərkəzində saxladığımız oyunçular var. Bizim dərdimiz rəqabəti gücləndirməkdi. Bunu etsək, məşqçinin də işini bir qədər rahatlaşdırmış olarıq. Artıq 3 aya yaxındı bu vəzifədəyəm. Yığma komanda ilə bağlı başqa layihələrim də var. Bunların detallarını qarşıdakı günlərdə açıqlayacam. Təkcə əsas yığmadan bəhs etmirəm. Bütün yaş kateqoriyalarını nəzərdə tuturam. Müasir dönəmdə yığma komanda üçün seçimlər daha şəffaf olmalıdı. Ölkəmizdəki hər istedadı görmək, müəyyənləşdirmək üçün ciddi çalışmalarımız var. Bütün oyunların təhlilini və göstəricilərini öz sistemimizə yükləməyə imkan verən bir layihənin üzərində çalışırıq. Buna nail olandan sonra 14 yaşlılar arasındakı çempionatdan başlayaraq bütün oyunları nəticələrindən asılı olmayaraq incələmək fürsətimiz olacaq. Aşağı yaş kateqoriyasında çıxış edən futbolçular işinə ciddi və məsuliyyətli yanaşmalıdı. Çünki bu yolun sonu əsas yığmaya gedib çıxır. Ay-ulduzlu formanı geymək hər kəs üçün şərəf olmalıdı. Əvvəlki illərdə aşağı yaş qruplarında inamlı çıxış edirdiksə, əsas yığmanın nəticələri nisbətən zəif olurdu. İndi vəziyyət dəyişib. Əsas yığma güclü oynadığı halda, aşağı yaş qruplarında sabitlik yaxalaya bilmirik. Düzdü, bəzən istisnalar olur. Amma 14-15-16 yaşlardan etibarən Türkiyənin güclü komandalara sahib olmasını istəyirik. Elə etməliyik ki, artıq hər yaş kateqoriyasında puşkdə bizə rəqib olan komandalar dərhal bizdən çəkinsin”.