Çox çətin və uğursuz bir dönəmdən keçən ''Beşiktaş'' heyətlə bağlı da ciddi sıxıntılar yaşamaqda davam edir.

"Football-plus.az" xəbər verir ki, ən son ''Bude/Qlimt''ə qarşı görüşdə Vensan Abubakarın adı start heyətində olsa da, təcrübəli kamerunlu forvard isinmə hərəkətləri zamanı əzələsində ağrılar hiss etdiyindən adı ''11-lik''dən çıxarılmışdı. Həm Abubakarın, həm də ''Bude/Qlimt''ə qarşı matçda 90 dəqiqə meydanda olan Cenk Tosunun durumuna aydınlıq gəlib. Əzələsini dartan hər iki futbolçu ən azı 10 günlüyə sıradan çıxıb. Bu da o deməkdi ki, ''Beşiktaş'' sabah ''İstanbul BŞ''yə qarşı oyuna ciddi itkilərlə çıxmalı olacaq. Abubakar və Cenkdən başqa Kosovo yığmasının düşərgəsində olan Raşitsa da heyətdə olmayacaq. Kolli, Masuaku və Gezzal kimi önəmli futbolçular da zədəlilər siyahısındadı. Bütün bunlar azmış kimi Bayi də ''Bude/Qlimt''lə oyunun ilk yarısında beyin silkələnməsi üzündən əvəzlənmiş və birbaşa xəstəxanaya çatdırılmışdı. Bu üzdən onun da oynayıb-oynamayacağı bilinmir.

ƏLİ