“Hesab edirəm ki, paytaxtda bazanın tikilməsi düşünülmüş və düzgün addımdı. Çünki çempionatda iştirak edən 8 komanda (“Kəpəz” istisna olmaqla) ilə oyunlar Bakıda və ya paytaxta yaxın ərazilərdə keçirilir. Komandanın otellərdə qalması, təlim-məşq üçün meydançaların icarəyə götürülməsi böyük xərclər hesabına başa gəlir. Eyni funksiyalı baza Tovuzda da tikilir. Belə bir bazanın Azərbaycanın dağlıq rayonlarının birində də, 2000 metrdən yüksək ərazidə tikilməsi komandanı yay təlim-məşq toplantıları üçün xarici səfərlərdən, böyük xərclərdən azad edərdi. Bu bazalar hazır olandan sonra komandanın inzibari xərcləri əsaslı şəkildə azalacaq. Eyni zamanda bazanı digər komandalara da təlim-məşq toplanışlarının keçirilməsi üçün icarəyə verməklə gəlir əldə etmək olar. Bütün hallarda tikilməkdə olan bu bazanı idmana xidmət edəcək bir obyekt kimi dəyərləndirirəm”.