“Frank De Blekere ilə görüş şərh zamanı qarşılaşdığımız məqamlarla bağlı oldu. Şərhçilər olaraq istəyirik ki, doğru olanı çatdıraq, oyun qaydaları ilə bağlı daha məlumatlı olaq. Bəzi mübahisəli epizodlarda doğru qiyməti verməyə çalışaq. De Blekere ilə görüşümüz çox uğurlu alındı. Bu görüşün təşkil olunması üçün AFFA rəhbərliyinə ayrıca təşəkkür edirəm. Şərhçilər üçün faydalı görüş oldu və nələrsə öyrəndik. Belə təşəbbüs oldu ki, mövüm ərzində bir neçə görüş keçirək. Çalışaq ki, şərhlər zamanı şərhçilərimiz hakim qərarlarına doğru qiymət versin. Bizə mövsüm ərzində bəzi epizodları göstərdilər. Ən çox bəyəndiyim məqamlardan biri Frank De Blekerenin səmimiyyəti idi. Xətalarla bağlı da səmimi etiraf etdi. Mübahisəli epizodlarla bağlı fikir mübadiləsində bizimlə razılaşdığı məqamlar oldu. Həm səmimiyyətini, həm də peşəkarlığını çox bəyəndim. Bizim də çox yaxşı hakimlərimiz var. Mənə elə gəlir ki, Tofiq Bəhrəmov bir çox avropalı referilər üçün ideal olacaq hakim olub. De Blekere də böyük oyunları idarə etmiş hakimdi. Bu baxımdan Avropada tətbiq olunan, UEFA və FİFA standartlarına uyğun hakimlik bizim üçün çox önəmlidi. De Blekere bizim hakimlərə çox şey öyrədəcək. Bu gün artıq standartlar dəyişib. VAR ilə bağlı məsələlərdə bizə çoxlu məlumat verildi. VAR hakimlərinin bəzi epizodlarda göstərdiyi peşəkarlığı bizə nümunə kimi çəkdi. Bu görüşlər yenə olacaq. Təkcə şərhçilər yox, idman jurnalistləri üçün də belə görüşlər olmalıdı. Şərhçinin dedikləri ictimai fikri yönəltdirir. Çalışmalıyıq ki, doğru istiqamət və şərh verək”.