Bu yay önəmli isimləri heyətinə qatan ''Fənərbaxça'' Joze Mourinyonun istəyi daha bir keçidi rəsmiləşdirib.

İstanbul nəhəngi uzun müddətdi, danışıqlar apardığı Kristian Medina və klubu ''Boka Xuniors''la anlaşma əldə edib. Amma Argentina çempionatı və Cənubi Amerikada turnirlər davam etdiyindən Medina ''Fənər''ə yalnız qış fasiləsində qoşulacaq. ''Boka''nın prezidenti Xuan Roman Rikelme yalnız bu şərtlərlə oyunçusunu buraxmağa razılıq verib. ''Sarı-lacivərdlilər'' də öz növbəsində müqaviləyə zədə ilə bağlı maddə saldırıblar.

Futbolçu 3 aylığa zədələnsə, bunun xərclərini Argentina klubu qarşılayacaq. Medinanın zədəsi yanvardan sonra ən azı 6 ay oynamasına mane olsa, ''Boka'' ''Fənər''ə təzminat ödəyəcək. Və nəhayət, o ən azı 1 illiyə sıradan çıxsa və karyerası riskə girsə, ''Fənər''in müqaviləni ləğv etmək haqqı olacaq. Bu transfer istanbullulara 15 milyon avroya başa gələcək.

Müqavilədə performansa bağlı maksimum 5 milyon avroluq bonuslar da mövcuddu. 22 yaşlı futbolçu həm hücumameyilli, həm də müdafiəyəmeyilli yarımmüdafiəçi kimi oynaya bilir. O, ''Boka''nın yetirməsidi və 8 il bu klubun akademiyasında top qovub. 2020-dən əsas komandada çıxış edən Medina indiyə qədər 155 rəsmi oyun keçirərək 9 qol, 11 məhsuldar ötürməlik performans sərgiləyib.

ƏLİ