Bekhemin oğlu 22 yaşında karyerasını bitirdi - futbolun əvəzinə dəb sənayesini seçdi
22 yaşlı Romeo Bekhem futbolla qəti şəkildə vidalaşdı.
"Football-plus.az" xəbər verir ki, onun qısa sürən karyerasında sonuncu klub İngiltərə “Brentford”u, daha dəqiqi, bu klubun 2023-də keçdiyi 2-ci komandası oldu. Düzdü, vinger heç orda da heç bir rəsmi oyun keçirmədi. “Brentford”a qədər isə məşhur atası Devid Bekhemin yaratdığı “İnter Mayami” sistemində məşğul oldu. 2010-cu illərin ortalarında Romeo “Arsenal”ın akademiyasında da vaxt keçirib.
Çətin ki, Romeonu böyük futbol istedadı saymaq mümkündü: “transfermarket”ın ona qoyduğu ən yüksək qiymət 50 min avro olub. Romeonun karyerasının ən parlaq anı kimi 2022-ci ildə MLS-də gənclər arasında keçirilən “Next Pro” turnirini göstərmək olar ki, orda 10 məhsuldar ötürmə vermişdi.
12 yaşında “Arsenal”ın akademiyasından xaric olunan Romeo 5 il, yəni “İnter Mayami” yaranana qədər heç yerdə məşq etmədi. Belə uzun müddəti boşa verəndən sonra uğurlu karyera qurmaq çətin idi. Nəticədə Devidin oğlu həyatı boyunca onu futbol qədər məşğul edən sahəyə - dəb sənayesinə yönəldi.
Devid Bekhem necə reaksiya verdi?
Romeonun karyerasını bitirmək qərarı ad günündə açıqlandı – sentyabrın 1-də onun 22 yaşı tamam oldu. Devid sosial şəbəkədə oğlunu xoş mesajla təbrik etsə də, futboldan gedişini hələ ki şərh etməyib: “22 yaşın mübarək, gözəl oğlun. Belə oğlana çevrilməyinlə böyük qürur duyuruq: xeyirxak, əməksevər... Sənə gözəl gün arzulayıram, ona görə ki, bunu haqq edirsən... Səni çox sevirəm, dostum”.
Romeonu gələcəkdə nə gözləyir?
Kiçik Beks moda sənayesinə köklənməyə qərar verib, axı bu sahədə müəyyən təcrübəsi də var. Romeo uşaqlıqdan “bu qazanın içində bişir”, axı anası Viktoriya dəb biznesi ilə birbaşa bağlıdı, uğursuz futbolçu özü də 10 yaşında “Burberry”nin reklam kampaniyasında çəkilib. Romeo 2021-ci ildə “Puma” ilə 1,2 milyon funt sterlinqlik müqavilə bağlayıb, həmçinin “Yves Saint Laurent” lüks brendi ilə çalışıb. İndi isə Romeo “Paris Safe Management” model agentliyi ilə müqavilə bağlayıb. “The Sun” nəşrinin qaynağının fikirləri:
“Romeo butslarını mıxdan asmağa və vaxtını dəb sənayesindəki karyerasına həsr etməyə qərar verdi. “Brentford”da çalışmaq onun xoşuna gəlirdi, ancaq ehtirası olan dəbə köklənməsi lazım idi. Romeo yaxınlarda Parisdə aparıcı dəb agentliyi ilə müqavilə bağlayıb, bəzi nəhəng brendlərlə çalışmaq niyyətindədi”.
Romeo “Brentford”da da işini davam etdirəcək:
Daun sindromlu 5 və daha yuxarı yaşlı uşaqlar üçün qurulan “Brentford Pinqvinz” komandasının məşqçisi olacaq. Ötən il bu komandanın yaradıcısı Allan Kokram “Who Cares Wins” şousunda “Adsız qəhrəman” mükafatını alıb. Klubda kiçik Bekhemin qərarına heyranlıq duyur, İngiltərə yığmasının əfsanəsinin oğlunu əməksevərliyinə görə tərifləyirlər. “Brentford”un idman direktoru Fil Caylzın fikirləri: “O bura gələndə “mən Bekheməm” desəydi, bizim üçün fəlakət olardı. Romeo qətiyyən belə deyil. Təvazökarlığına və məsuliyyətinə görə atasına bənzəyir, məqşlərdə əlavə çalışmaq istəyir”.
Digər xəbərlər
