Lebronun oğlu parket üzərinə döndü
“Leykers”in əfsanəvi forvardı Lebron Ceymsin oğlu Bronni Cənubi Kaliforniya Universitetinin komandasının heyətində Tələbə İdmanı Milli Assosiasiyasının (NCAA) çempionatında debüt edib.
“Football-plus.az” xəbər verir ki, 19 yaşlı amerikalı “Lonq Biç Steyt”lə oyunda parket üzərinə çıxıb. Komandası 79:84 uduzub, kiçik Ceyms isə 4 xal, 3 ribaund və 2 ötürmə ilə yada qalıb.
Bronni oyundan sonra belə açıqlama verib:
“Mən, sadəcə, hər şeyə görə minnətdar olduğumu demək istəyirəm. Mənə yardım edən Mayo klinikasına, həyatımın çətin anında dəstəyini əsirgəməyən valideynlərimə, qardaş-bacılarıma təşəkkür edirəm. Bu çətin yolu keçməkdə yardım edən hər kəsə ehtiramımı çatdırıram. Məşqçimə, komanda yoldaşlarıma, bütün başqa məşqçilərimə də. Onlar lap əvvəldən yanımda idi”.
Xatırladaq ki, iyulun sonunda məşq zamanı Bronninin ürəyi dayanmışdı. İlkin tibbi yardım göstərən həkimlər onu xəstəxənaya çatdıra bilmişdi.
Digər xəbərlər
