“Leykers” MBA-nın Yay liqası çərçivəsində keçirdiyi oyunda “Atlanta”ya 87:86 hesabıyla qalib gəlib.

Parketdə ən yüksək məhsuldarlığı “Hoks”un hərəyə 17 xal toplayan oyunçuları – Robert Beyker və Carkel Coyner, eləcə də “Leykers”dən 17 xal toplayan və 12 rubaund edən Kolin Kaslton göstərib. Lebron Ceymsin oğlu Bronni 12 xal toplayıb. Bu, 19 yaşlı basketbolçu üçün Yay liqasında ən yaxşı göstəricidi. “Leykers” ötən ay Bronnini draftda seçib.

Bu arada “Orlando”nun yaradıcısı və MBA-nın Şöhrət zalının üzvü Pet Uilyams 85 yaşında vəfat edib. Virus pnevmoniyasının ardından onun sağlıq durumu pisləşmişdi. Uilyamsla Cim Hüittin qurulması üzərində çalışdığı “Orlando” 1989-cu ildə MBA-ya qəbul olunub. 2019-cu ilə qədər bu klubda çalışan Uilyams sonra təqaüdə çıxıb.