Polşa Futbol İttifaqının İntizam Komitəsi hakimlər Bartoş Frankovski və Tomaş Musialı cəzalandırıb.

Buna ədalət təmsilçilərinin ictimai asayişi və davranış qaydalarını pozmaları səbəb olub. Onlar 25 min zloti məbləğində cərimə ediliblər. Referilər 5 aylıq cəzalanıb və onlar üçün iki il sınaq müddəti müəyyənləşdirilib. Belə hallar yenidən təkrarlansa, cəzaları 1 il olacaq.

Xatırladaq ki, Frankovski ilə Musial Çempionlar Liqasının 3-cü təsnifat mərhələsinin "Dinamo" (Ukrayna) - "Reyncers" (Şotlandiya) matçını idarə etməliydilər. Lakin qarşılaşmadan əvvəlki gecə sərxoş halda polis tərəfindən saxlanılıblar. Bundan başqa, onlar yol nişanını da oğurlayıb. UEFA hakimləri başqaları ilə əvəz edib.