“Zirə”nin Konfrans Liqasının pley-offundakı rəqibi “Omoniya” cavab matçı üçün hazırlığı tamamlayıb.

“Football-plus.az” Cənubi Kiprin “24sports” saytına istinadla xəbər verir ki, komanda bu gün axşam saatlarında Bakıya yola düşəcək.

Portalın iddiasına görə, “yoncalar”ın baş məşqçisi Valdas Dabrauskas cümə axşamı keçiriləcək matçda ciddi rotasiyalara əl atacaq. Futbolçulardan Xaralampos Xaralambus və Nikolas Panayotu paytaxtımıza gəlməyəcək. Bununla yanaşı, Veliko Simiç, Mateo Mariç, Maruiuş Stempinski və Fabiano Freytas kimi futbolçular start heyətində yer almayacaq. Litvalı mütəxəssis onlara istirahət verməklə indiyə qədər az şans qazanan futbolçuları meydana buraxmaq niyyətindədi.

Qeyd edək ki, oyun saat 20.00-da başlayacaq.

KƏNAN BAHADIR