“Zirə”nin Konfrans Liqasının pley-offundakı rəqibi “Omoniya” mərkəz hücumçusu almaq istəyir. Bu məqsədlə axtarışda olan Cənubi Kipr təmsilçisinin “gözaltı etdiyi” futbolçu da var.

“Football-plus.az” xəbər verir ki, söhbət Mbaye Nyanqdan gedir.

Seneqal millisinin sabiq üzvü hücumun bütün mövqelərində çıxış edə bilir. Sonuncu klubu “Empoli” olan futbolçu daha əvvəl “Milan”, “Adana Dəmirspor”, “Əl-Əhli”, “Torino”, “Monpelye”, “Renn” və başqa klublarda çıxış edib. Nyanq karyerası ərzində keçirdiyi 399 oyunda 96 qol, 36 məhsuldar ötürmə müəllifi olub.

Qeyd edək ki, “Omoniya” futbolçunun keçidini “Zirə” ilə cavab matçına qədər tamamlamaq niyyətindədi.

KƏNAN BAHADIR