Ferstappen özünü ondan güclü sayan pilota cavab verdi
“Red Bull”un pilotu Maks Ferstappen NASCAR-da çıxış edən amerikalı avtoyürüşçü Kayl Larsona cavab verməyi lazım bilib.
Kayl bir neçə gün əvvəl özünü niderlandlıdan güclü saydığını demişdi. Bu da Maksın cavabı:
“Normaldı. Hər kəs fərqli düşünür, düzdü? Əvvəlcə onu deməliyəm ki, belə mübahisə aparmağa dəyməz. Ona görə ki, hər kəs özü üçün yaxşıdı. Yəqin mənim üçün kartinq və “Formula-1” qrunt üzərində yarışmaqdan daha yaxşıdı. Qrunt üzərində yarışmaqla bağlı heç bir anlayışım yoxdu”.
26 yaşlı niderlandı “Formula-1” üzrə dünya çempionatının üçqat qalibidi. O, həm bir mövsümdə qələbə (19), həm də ardıcıl qazandığı mərhələ sayına (10) görə rekordçudu.
Digər xəbərlər
