“Zirə” bu gün Konfrans Liqasının pley-off oyunu çərçivəsində səfərdə Kipr təmsilçisi “Omoniya” ilə üz-üzə gələcək.

“Football-plus.az” “balla.com.cy” portalına istinadla xəbər verir ki, Kipr polisi mümkün təxribatların qarşısını almaq üçün tribunaya gələcək azarkeşlərə xəbərdarlıq edib. Həmin xəbərdarlıqda belə qeyd olunur:

* Stadiona yalnız Fan Kartı və matç bileti təqdim edənlər girə bilər
* Stadiona məşəl, fişəng və başqa təhlükəli əşyaların gətirilməsi qəti qadağandı
* Stadiondan kənarda və stadion daxilində spirtli içkilərin daşınması və istehlakı qadağandı
* Siyasi, təhqiramiz və ya digər təxribatçı məzmunlu pankartların və siyasi rəmzlər olan geyimlərin daşınması qadağandı
* Ətrafda, stadionun divarlarında və başqa yerlərdə şüar yazmaq qadağandı
* Çiyin çantaları və qoruyucu motosiklet dəbilqələri, eləcə də üzü örtən hər hansı digər vasitə olan azarkeşlərin stadiona daxil olması qadağandı
* Stadionun məhəccərlərinə dırmaşmaq qadağandı
Yekunda bildirilir ki, qaydalara əməl etməyən hər kəs, hətta etibarlı bileti olsa belə, xəbərdarlıq olunmadan və stadion rəhbərliyinə qarşı heç bir qanuni iddiası olmadan stadiondan kənarlaşdırıla bilər. Beləsi həmçinin həbs və ciddi cərimələrə məruz qalmaq riski daşıyır.

KAMAL SƏFƏR