Tyerri Anri Fransanın gənclərdən ibarət komandasından ayrılıb. O, baş məşqçi vəzifəsindən istefa verib.

Fransa Futbol Federasiyasının yaydığı məlumatda deyilir ki, 47 yaşlı mütəxəssis şəxsi səbəblərə görə postundan ayrılıb. Onun müddəti 2025-ci ilin iyununa qədər olan müqaviləsi öz istəyi ilə ləğv olunub. Xatırladaq ki, Anri U-21 yığmasını 2023-cü ilin avqustundan çalışdırırdı. Komanda onun rəhbərliyi altında Paris Olimpiadasının finalında İspaniyaya 3:5 hesabı ilə uduzaraq gümüş mükafatçı olmuşdu.

47 yaşlı Anrinin 2016-18 və 2021-22-ci illərdə Belçika yığmasında köməkçi-məşqçi kimi çalışdığını, baş məşqçi kimi “Monako” və “Monreal”a rəhbərlik etdiyini xatırladaq.