Nəhayət, Tyerri Anri özünə yeni iş tapıb.

"Football-plus.az" xəbər verir ki, o, Fransanın 21 yaşadək futbolçulardan ibarət milli komandasının baş məşqçisi təyin edilib.

“Ekip” nəşrinin məlumatına görə, 46 yaşlı mütəxəssisin əsas hədəfi 2024-cü ildə Parisdə keçiriləcək Olimpiya Oyunlarında uğur qazanmaq olacaq. Anri bundan əvvəl 2016-18-ci və 2021-22-ci illərdə Belçika millisində köməkçi-məşqçi vəzifəsində çalışıb. Həmçinin 2018/19 mövsümündə “Monako”nun, bir mövsüm sonra isə “Monreal İmpekt”in baş məşqçisi olub.