“Doğrusu, Buntiç barədə indi hansısa fikir bildirməyin tez olduğunu düşünürəm. Əlbəttə, “Ludoqorets”lə cavab görüşündə penaltiyə səbəbkar oldu. Ancaq bu, oyun ərzindəki, sadəcə, bir epizod idi. Çünki qalan vaxt ərzində “çərçivə”də hansısa inamsız hərəkətini görmədik. Yetərincə etibarlı idi, vəziyyətə nəzarət edirdi. Məncə, Zaqreb “Dinamo”suyla oyunda Buntiçin çıxışını qiymətləndirmək mümkün olacaq. Həmin oyunda nəinki Buntiçin, eyni zamanda bütün oyunçuların bütün gücünü meydana qoyacağına inanıram. Yalnız “Dinamo” ilə pley-off matçından sonra Buntiçin bacarıqlarının hansı səviyyədə olub-olmadığını qiymətləndirə biləcəyik”.

“Qarabağ” indiki zamanda çempionatımızı aşağı-yuxarı Avropa standartlarına qaldırır. Bu üzdən ehtiyat qapıçının da yetərincə güclü olması vacibdi. Xüsusən də komandanın hədəfi ÇL-in qrup mərhələsinə düşmək və qrupdan çıxmaqdısa. Düşünürəm ki, sağlam rəqbət üçün bu addım atılmalıdı. Doğrudu, hazırda Buntiçlə Koxalskidən hansının 1, hansının 2 nömərli qolkiper olacağı bilinmir. Lakin “Qarabağ” kimi klubda ən azı iki nəfər 1 nömrəli qapıçı rolunda çıxış etməyi bacarmalıdı. İstənilən Avropa səviyyəli komandada bu məsələlər müzakirə olunur. Transfer yeni elan olunduğuna görə yeni qolkiperin oyunlarını izləmək şansım hələ ki olmayıb. Hesab edirəm ki, “Qarabağ”ın məşqçilər heyəti və klub rəhbərliyi bu məsələni yetərincə incələyib. Ümid edirəm ki, keyfiyyətli oyunçudu. Həmçinin nəzərə alsaq ki, Polşa yığmasının üzvüdü, bu özü də bir keyfiyyət göstəricisidi. Məncə, sağlam rəqabət sayəsində “köhlən atlar”ın qapıçı mövqeyində yaranmış durğunluq həllini tapacaq”.