“Komandalarımıza qələbə arzulayıram. Ümid edirəm ki, daha irəli gedərək Azərbaycan futbolunun inkişafına təkan verəcəklər. Səmimi olsaq, “Sabah”ın ciddi problemləri var. Komanda “Makkabi”ylə ilk oyunda yaxşı təsir bağışlasa da, növbəti oyunlarda özünü yaxşı tərəfdən göstərə bilmədi. Səbəb nədi? Orda nə baş verir? Məncə, “Sabah”ın rəqibi məğlub etmək üçün potensialı var. Taleyi öz əlindədi. İstəsə, hədəfə çatacaq. Rəqibi güclü deyil. “Zirə”nin şansları isə yarı-yarıyadı. “Osiyek”lə ilk qarşılaşmada yaxşı çıxış etdilər. Ümumiyyətlə, komandalarımızın oyuna tam ciddi yanaşacaqlarına və mərhələ adlayacaqlarına inanıram. Futbolumuz inkişaf etməlidi. Avrokuboklarda irəlilədikcə, daha güclü rəqiblərlə qarşılaşırsan. Həm fiziki, həm də psixoloji baxımdan “artırırsan”. Belə oyunlar çempionatımızın səviyyəsinə də müsbət təsir edir. Bəxtimizdən nə “Sabah”ın, nə də “Zirə”nin rəqibi onlardan güclüdü. Belə oyunlarla qalib gəlməklə böyüməlidilər. Bizə “Qarabağ” kimi üç klub lazımdı ki, futbolumuz tanınsın, reytinqimiz artsın”.