Almaniyanın ən yaxşıları müəyyənləşdi
Almaniyada 2024-cü ilin ən yaxşıları müəyyənləşib. Ən yaxşı baş məşqçi ilə futbolçunun adı açıqlanıb.
“Kicker” jurnalının keçirdiyi səsvermənin nəticəsinə əsasən Xabi Alonso ilin məşqçisi seçilib. Xatırladaq ki, ispaniyalı mütəxəssis “Bayer-04”ü ötən mövsüm tarixində ilk dəfə Almaniya çempionluğuna daşıyıb. Komandanın mövsümü məğlubiyyətsiz başa vurduğunu və bununla klub rekordu müəyyənləşdirdiyini də bildirək. Alonso mükafatlandırma mərasimində belə deyib:
“Məşqçi işi əvvəlki kimi mənim üçün yeni sahədi. Bu səbəbdən aldığım mükafat məni bir qədər utandırır. Bu mükafat bütün komandanın və kollektivin əməyinin nəticəsidi. Mən, sadəcə, bu gözəl kollektivin bir üzvüyəm”.
Toni Kroos isə ən yaxşı futbolçu nominasiyasında hamını qabaqlayıb. O, 60 faiz səs toplamaqla 1-ci olub. Kroosun “Real”da keçirdiyi 10 mövsümdən sonra 34 yaşında futbolçu karyerasını başa vurduğunu da xatırladaq.
