“Qalatasaray” iki gənc oyunçu ilə yollarını ayırıb. Söhbət “Cim-Bom”un öz yetirmələri olan Emin Bayram və Həmzə Akmandan gedir.

“Football-plus.az” xəbər verir ki, “Qalatasaray”da hələ 2019-da debüt edən, amma özünü göstərə bilməyən Emin ötən il icarə əsasında şərəfini qoruduğu “Vesterlo”ya daimi əsasda transfer olunub. Belçikalılar istanbullulara 4 milyon avro və sonrakı satışdan 50 faiz pay verəcək.

“Qalatasaray”ın sabiq futbolçusu Ayhan Akmanın oğlu olan Həmzə isə Danimarka təmsilçisi “Sonneryuske” ilə üçillik müqavilə imzalayıb. O yeni klubuna azad agent statusunda qoşulub. Çünki “Qalatasaray” ona yeni müqavilə təklif etmədi. Onu da bildirək ki, Həmzə Akman Türkiyə çempionatından Danimarka çempionatına yollanan ilk futbolçu kimi tarixə düşüb.