“1-ci liqada elitaya qalxmaq üçün şans yoxdu” – Ruslan Hacıyev
“Şahdağ Qusar" yay hazırlıq dönəmində yeni transferini reallaşdırıb.
2-ci liqa təmsilçisi sonuncu dəfə "İmişli"nin formasını geyinmiş Ruslan Hacıyevi “rənglərinə bağlayıb”. “Qarabağ”ın akademiyasında yetişən oyunçu fərqli zamanlarda burda və “Səbail”də forma geyib. 26 yaşlı yarımmüdafiəçi ötən mövsüm 1-ci liqada çıxış edən “İrəvan”a keçib. Onun karyerasını 2-ci liqa komandasında davam etdirmək qərarı bir qədər maraq doğurdu.
Ruslan “Football-plus.az”a açıqlamasında transferini belə şərh etdi:
“Bəli, sonuncu dəfə 1-ci liqada mübarizə apardım. Ötən il 7 ay klubsuz qaldım. “İrəvan”dan sonra “İmişli”ni seçdim. Amma səhv seçim oldu. Çünki məşq və oyun meydançaları bərbad gündə idi. Ümumiyyətlə, 1-ci liqada klublarının infrastrukturu pis vəziyyətdədi. Buna görə “Şahdağ Qusar”ı seçdim. Düzdü, birinci liqanın aparıcı komandalarından da təkliflərim oldu. Amma düşündüm ki, 1-ci liqada elitaya qalxmaq üçün şans yoxdu. Bu il neçə oyunçu əsas liqaya keçdi? Bildiyimə görə, heç kim. “Şahdağ”ın gələcək planları xoşuma gəldi, ona görə də buranı seçdim. İnşallah, “Şahdağ Qusar”la premyer-liqaya qayıdacam”.
RÖYANƏ OĞUZ
Digər xəbərlər
