“Azarkeşlərimizdən, xalqımızdan üzr istəyirəm” - “DAK 1904”ün baş məşqçisi
"DAK 1904" Konfrans Liqasının 2-ci təsnifat mərhələsinin ilk oyunu çərçivəsində səfərdə "Zirə"yə 0:4 hesabı ilə məğlub olub.
“Football-plud.az” xəbər verir ki, Slovakiya təmsilçisinin baş məşqçisi Xisko Munyoz matçdan sonra keçirilən mətbuat konfransında açıqlama verib:
"Oyunun nəticəsi birbaşa mənim səhvimdi. Futbolçularıma nəyin önəmli olduğunu istədiyim qədər çatdıra bilməmişəm. Azarkeşlərimizdən, xalqımızdan üzr istəyirəm. Geridönüş çətin olacaq. Bu gün kifayət qədər şansımız var idi. Amma rəqib daha istəkli, daha sürətli idi. Bu səhvlərdən nəticə çıxarıb, daha yaxşı oynamalıyıq. Komandama inanıram. Oyunçularımın bacarığına bələdəm. Bir oyunla kifayətlənmirik. Hansı nöqtədə olduğumuzu bilirik. Növbəti oyun üçün birlik olmalıyıq. Çətin oyun olacaq. Necə olacağını görəcəyik. Mümkünsüz deyil, ümid var".
Digər xəbərlər
