"Zirə" Avropa Liqasının 1-ci təsnifat mərhələsində evdə "Şerif"ə məğlub olmaqla mübarizəni dayandırdı.

"Football-plus.az" xəbər verir ki, matçdan sonra azərbaycanlı azarkeşlərin Moldova klubunun rəsmi səhifələrinin rəy bölümündə yazdıqları "arılar"ın tərəfdarlarını qıcıqlandırıb.
Belə ki, bizimkilər "Qarabağ" sizdən daha böyük klubdu", "Siz hələ "Qarabağ"ı görməmisiz", "Qarabağ" bütün Moldova klublarını məğlub edər", "Qarabağ"a uduzduğuz günləri unutmayın" kimi rəylər yazmaqla yanaşı, "Qarabağ"ın vaxtilə "Şerif"i məğlub etdiyi matçlardan görüntülər paylaşıb.

"Şerif" azarkeşlərinin qeyd olunanlara cavabı isə belə olub:

"Şerif" ən yaxşısıdı!", "İrəli, "Şerif", sən çox güclü olacaqsan!", "Azərbaycanlı dostlar, "Şerif" "Qarabağ"la yox, "Zirə" ilə oynadı. Qələbə bizimdi!", "Bəli, "Qarabağ" çox böyük klubdu, bəlkə də bütün komandalarımızı məğlub edə bilər. Amma bu o demək deyil ki, bütün məsələlərdə "Qarabağ"ın gücündən istifadə edə bilərsiz".

Bəzi "Şerif" azarkeşləri isə həmyerlilərimizə "Bayer-04"ün "Qarabağ"ı məğlub etdiyi matçlarda almaniyalıların vurduğu qolların görüntülərini paylaşmaqla cavab verib.

KƏNAN BAHADIR