“Bu barədə Samir Abasov açıqlamalarında bir neçə dəfə qeyd edib ki, biz təkcə Konfrans Liqası yox, ümumi mövsüm üçün hazırlıq görürük. Yəni planlarımızı bir mövsümlük qururuq. Bu gün KL-də mübarizə aparırıq deyə, tələm-tələsik hansısa futbolçunu gətirib, sonradan ondan mövsüm boyunca istifadə etməmək kimi bir şansımız yoxdu. Bu səbəbdən də transferlərlə bağlı doğru-düzgün araşdırmalar davam edir. Bilindiyi kimi, artıq üç transferimizi rəsmən açıqlamışıq. Qarşıdakı günlərdə də transferlər gözlənilir. Lakin qeyd etdiyim kimi, hədəfimiz çox yox, yalnız lazım olan mövqelərə doğru transferlərin edilməsidi”.