“Düşünürəm ki, hər şey yaxşı səviyyədə keçdi. “Fan-shop”un çox gözəl mənzərəsi var. Digərlərilə müqayisədə ən görkəmli azarkeş mağazası da deyə bilərəm. Ümid edirəm ki, bu məsələyə başqa klublarımız da bizim kimi maraq göstərər. Avropada, Amerikada bu tip satış qrupları klublar üçün həm maliyyə, həm də inkişaf cəhətdən çox vacib məqamdı. İstərdim ki, Azərbaycanda nəinki "Sabah”ın, digər klubların da belə təşəbbüsü olsun. Prosedur olduqca ağırdı ki, bu da başadüşüləndi. Kubumuz 7 ildi yaranıb. Çalışırıq ki, həm meydanda, həm də sosial mediada müasirliyimizi göstərək.

Kənardan da göründüyü kimi, "Sabah" Azərbaycanın gələcəyidi. Futbolumuzun müəyyən keçmişi olsa da, elə məqamlar var ki, məhz müasirliyə "Sabah" imza atır. Klub tərəfindən mütəmadi işlər görülür. Çünki birdən-birə belə bir bir mağaza araya-ərsəyə gəlməyib. Klubun prezidenti Maqsud Adıgözəlov və baş icraçı direktoru Ramin Həsənova təşəkkür düşür. “Fan-shop”la bağlı da müsbət şərhlər almışıq. 7 ildi fəaliyyət göstərməyimizə baxmayaraq, elə bir il olmayıb ki, "Sabah" hansısa yenilik təqdim etməsin. Azarkeş mağazalarının sayını artırmağı düşünürük. Azarkeşlərin istəyini yerinə yetirmək, onların ürəyində yer qazanmaq üçün əlimizdən gələni edəcəyik”.