Almaniyada keçirilən Avropa çempionatı ilə bağlı hər şeyin qaydasında olduğunu demək çətindi.

Azarkeşlərin davasından, saxta talismanlardan, stadionları suyun basmasından başqa da qəribə hadisələr baş verir. 1/8 finalın Almaniya ilə Danimarka arasındakı oyunu zamanı qara kostyum geyən, kapüşon taxan və böyük bel çantası gəzdirən naməlum şəxs stadionun tağlarının altına sığınıb. Onu yalnız silahla hədələyəndən sonra ələ keçirmək mümkün olub.
Oyunun tufan üzündən 33-cü dəqiqədə dayandırılması gecənin əsas mövzusu olmalıydı. Bu üzdən 2-ci hissənin əvvəlində referu Maykl Oliver kapitanları yanına çağırıb damı əli ilə göstərəndə hər kəsə elə gəldi ki, yenə hava şəraiti ilə bağlı problem var. Ancaq Oliver kapitanlara naməluş şəxsin damda göründüyünü göstərmək istəyirmiş.

Tünd rəngli geyimdə və böyük bel çantası ilə olan naməlum şəxsin dama çıxmasıyla bağlı məlumat polisə yerli vaxtla 22.27-də çatıb.

“Bild”in yaydığı xəbərə görə, dərhal hadisə yerinə elit bölmə göndərilib və polislər həbs proseduruna başlayıb. Qaydanı pozan şəxs yalnız silah tətbiqi ilə bağlı təhdidlə üzləşəndən sonra aşağı düşməyə razılıq verib.

Almanlar bütün gecə bunun nə demək olduğunu, Avropa çempionatının pley-off oyununu qəbul edən stadionda belə hadisənin necə mümkün olduğunu düşünüb. Almaniya mediası ertəsi təfərrüatı çatdırıb – həbs olunan şəxsin 21 yaşı var, Osnabryukdandı. Azarkeşləri qorxudan böyük çantada isə fotoaparat olub – belə görünür ki, gənc oğlan fotoqrafdı.

Çox güman, o, şimşək çaxması ilə bağlı daha effektli kadr əldə etmək üçün stadionun damına dırmaşıb, yəni tribunadan gördükləri ilə kifayətlənməyib. Qəzetlər onu da xəbər verir ki, bu, fotoqrafın ilk macərası deyil. Vaxtilə Herndəki kömür elektik stansiyasının qülləsinə (300 metr hündülüyə) də çıxıbmış. Həmin hadisəyə görə də saxlanılıb.

Hazırda fotoqrafın hansı cəzanı almasıyla bağlı bilgi yoxdu. Faktiki o heç bir qaydanı pozmayıb, heç kimə zərər vurmayıb. Odu ki, cərimədən və ya hansısa başqa sanksiyadan qurtula bilər. Əvvəllər hərəkətlərini belə izah edirmiş: