Bildiyiniz kimi, iyunun 23-də Dağıstan Respublikasının Dərbənd və Mahaçqala şəhərlərində terror hadisəsi baş vermişdi.

Bir qrup silahlı şəxsin hücumu nəticəsində 15-i hüquq-mühafizə orqanlarının əməkdaşı olmaqla 21 adam həlak olmuşdu. Zərərsizləşdirilən terrorçulardan birinin Rusiyanın əməkdar məşqçisi, mərhum Abdulmanap Nurməhəmmədovun adını daşıyan məktəbdə vaxtilə güləşlə məşğul olduğu bildirilir. Bu xəbəri məşhur döyüşçü Həbib Nurməhəmmədov da təsdiqləyib.

Güc strukturlarının əməkdaşları adı çəkilən məktəbdə axtarış tədbirləri həyata keçirib. Belə ki, polis məktəbin terrorçuları yetişdirən ocaq olmasından şübhələnir. Hələ ki bu işlə bağlı saxlanılan yoxdu.