Usik kəmərdən imtina etdi, Uayt onu qınadı
Ağır çəkidə mütləq dünya çempionluğu uğrunda döyüşdə Tayson Füriyə qalib gələndən sonra bütün kəmərlərə yiyələnən Aleksandr Usik gözlənilməz addım atıb.
Ukraynalı döyüşçü IBF kəmərindən konüllü imtina edib. O, sosial şəbəkədə payızda bu kəmər uğrunda döyüşə çıxa biləcək britaniyalılara – Entoni Coşua ilə Deniel Dyubuaya müraciət edib:
“Entoni və Deniel, mənə qulaq asın. IBF titulunun sizin üçün nə dərəcədə vacib olduğunu bilirəm. Bunu sizə sentyabrın 21-i üçün hədiyyəm sayın”.
Usikin imtinasından sonra vakant qalan IBF kəməri uğrunda döyüş sentyabrın 21-də Londonda keçirilməlidi. UFC prezidenti Dana Uayt isə ukraynaqlının qərarını heç də yaxşı qarşılamayıb:
“Bu hədsizlikdi. Və mən düşünürəm ki, Turki Əl əş-Şeyx (Səudiyyə Ərəbistanı krallığının əyləncələr üzrə Baş idarəsinin rəhbəri – red.) kimi biri bunu araşdırmalıdı. Qarşıdakı bir neçə il ərzində kənardan boksda hadisələrin axarını diqqətlə izləyəcəm. Turki Əl əş-Şeyxin idmana öz baxışı var. Düşünürəm ki, gələcəkdə belə halların təkrarlanmaması üçün mümkün olan hər şeyi edəcək”.
Digər xəbərlər
