“Zirə”nin Avropa Liqasının 1-ci təsnifat mərhələsindəki rəqibi “Şerif”də heyətlə bağlı dəyişikliklər davam edir.

“Football-plus.az” xəbər verir ki, Moldova təmsilçisinin müdafiəçisi Kristian Tovar komandasını dəyişib. O, Qazaxıstan çempionu “Ordabası”ya icarəyə verilib. Bu barədə futbolçunun agenti Leonid İstrati məlumat yayıb. Menecer kolumbiyalı oyunçunun yeni klubunda daha xoşbəxt olacağını bildirib. Maraqlıdı ki, “Ordabası” Çempionlar Liqasının 1-ci təsnifat mərhələsində “Şerif”in əzəli rəqibi “Petrokub”la qarşılaşacaq.

Tiraspollular Tovarın yerini İlunqa Pata ilə doldurub. Bu gün məşqlərə qoşulan futbolçunun 23 yaşı var. Yeni transfer sonuncu mövsümü Niderlandın 2-ci liqa klubu “TOP Oss”da keçirib. Burda 39 oyuna çıxan müdafiəçi 4 məhsuldar ötürmə verib. O, həm də Sint-Marten millisinin üzvüdü.

KƏNAN BAHADIR