Gürcüstan daha bir sensasiya edə bilmədi - REPORTAJ
1/8 final
N 39. İspaniya - Gürcüstan 4:1 (1:1)
23. Unay Simon
24. Mark Kukurelya
(12. Alexandro Qrimaldo, 66)
14. Emerik Lyaport
3. Robin le Norman
2. Daniel Karvaxal
(22. Xesus Navas, 81)
8. Fabian Ruis
(6. Mikel Merino, 81)
16. Rodriqo Ernandes
20. Pedri
(10. Dani Olmo, 52)
17. Niko Uilyams
7. Alvaro Morata (k)
(21. Mikel Oyarsabal, 67)
19. Lamin Yamal
Ehtiyat oyunçular
1. David Raya
13. Aleks Remiro
4. Naço Fernandes
5. Dani Vivian
9. Xoselu
11. Ferran Torres
15. Aleks Baena
18. Martin Subimendi
25. Fermin Lopes
26. Ayose Peres
Baş məşqçi: Luis de la Fuente
25. Georgi Mamardaşvili
14. Luka Loçoşvili
(21. Georgi Sitaişvili, 63)
3. Laşa Dvali
4. Quram Kaşiya (k)
15.Georgi Qvelesiani
(16. Nika Kvekveskiri, 79)
2. Otar Kakabadze
6. Georgi Koçoraşvili
17. Otar Kiteişvili
(18. Sandro Altunaşvili, 41)
10. Georgi Çakvetadze
(9. Zuriko Davitaşvili, 63)
7. Xviça Kvaratsxeliya
22. Jorj Mikautadze
(8. Budu Zivzivadze, 79)
Ehtiyat oyunçular
1. Georgi Loriya
12. Luka Quqeşaşvili
5. Solomon Kverkveliya
11. Georgi Kvilitaya
13. Georgi Qoçoleişvili
19. Levan Şengeliya
23. Saba Lobyanidze
24. Camal Tabidze
26. Qabriel Siqua
Baş məşqçi: Villi Sanyol
Qollar: R.Le Norman, 18-öz qapısına (0:1). Rodri, 39 (1:1). F.Ruis, 51 (2:1). N.Uilyams, 71 (3:1). D.Olmo, 83 (4:1).
Vərəqələr: A.Morata, 44. Z.Davitaşvili, 71 - sarı.
Hakimlər: FRANSUA LETESYE, Sirill Mönye, Medi Rahmuni (hamısı Fransa).
VAR hakimləri: Jerom Brizar, Villi Delajo (hər ikisi Fransa), Paolo Valeri (İtaliya).
30 iyun. Köln. “Reyn Enerqi” stadionu. 42233 tamaşaçı (43000 yerlik).
Birinci hissəyə 2, ikinci hissəyə 3 dəqiqə əlavə olunub.
Oyunun ən yaxşısı: Rodri.
oyunun statistikası
36 (13) qapıya (“çərçivə”yə) zərbə 4 (0)
11 qayda pozuntusu 5
13 künc zərbəsi 3
3 ofsayd 0
1 (0) sarı (qırmızı) vərəqə 1 (0)
72 topa sahibolma (faizlə) 28
823 (772) ötürmə (dəqiq) 281 (229)
114,2 məsafə (km) 110,4
Luis de la Fuente qitə çempionatının debütantı olan Gürcüstan yığmasının qrupda Portuqaliyaya qalib gəlməklə sürpriz etdiyini və belə nəticələrin davam edəcəyini söyləmişdi. İspaniya yığmasının çalışdırıcısı yəqin ki sürprizin öz komandası ilə matçda baş verəcəyini ağlından belə keçirməmişdi. Onun həmkarı Villi Sanyol isə son 3 ildə İspaniya ilə 4 dəfə qarşılaşdıqlarını və bütün oyunlarda uduzduqlarını, amma növbəti matçın fərqli olacağını demişdi.
Əlbəttə, debütant kimi 1/8 finala çıxan Gürcüstanın bu mərhələdə turnirin ən güclü komandalarından biri ilə matçda itirəcəyi heç nəyi yox idi. Pireneylilərin start həmlələrinin qarşısını almağı bacaran Sanyolun komandasının ilk əks-hücumdaca hesabı açması matçın qalan hissəsinə marağı daha da artırdı. Kakabadzenin zərbəsinə uğursuz reaksiya verən müdafiəçi Le Norman komandasının cari turnirdə qapısında ilk dəfə qol görməsinə səbəbkar oldu. Təzyiqi daha da artıran İspaniya Rodri ilə heabı bərabərləşdirdi. Matçın ilk yarısında bir qədər narahat görünən de la Fuentenin komandası fasilədən sonra səviyyə fərqini əyani şəkildə göstərdi. Ruis, Uilyams və Olmonun vurduğu qollar İspaniya yığmasının böyük potensiala və çempionluq şansına malik olduğuna işarə idi. Qafqazlılar isə istənilən halda tarixinin ilk böyük turnirini başıuca və alqışlarla tərk etdilər.
Reaksiyalar
Luis de la Fuente, İspaniya yığmasının baş məşqçisi:
“Fasilədə komandaya verdiyim mesaj matçdan əvvəl dediklərimlə eyni idi: sakit oynamalı, içimizdə çaxnaşma olmamalı və stresli qərarlar verməməli idik. İstəyirdim ki, hücuma çox meyil edək. Qol vura bilməyəndə komandamda bir qədər narahatlığın artdığını gördüm ki, bu da mənfi gərginliyə səbəb ola bilərdi. Futbolçularımın bunu ağıllarından uzaqlaşdırmasını istədim. Le Normanın avtoqolu bizə böyük zərbə vura bilərdi. Ancaq o bilir ki, bizim ona hörmətimiz, sevgimiz və dəstəyimiz var. O, heyrətamiz oyunçu, əla müdafiəçi və gözəl insandı”.
Villi Sanyol, Gürcüstan yığmasının baş məşqçisi:
“Kifayət qədər yaxşı oynadığımız ilk hissəni həmişə xatırlayacağıq. Amma bəyənmədiyimiz məqamlar da oldu. İspaniyanın ilk qolu qeydə alınmamalı idi. Morata ofsaydda idi. VAR-da nə etdiklərini bilmirəm. Bəlkə də, fasiləyə 1:0 hesabı ilə yollansaydıq, hər şey fərqli olacaqdı. Lakin İspaniya daha güclüdü və 1/4 finala vəsiqə qazanmağa layiq idi. Fikrimcə, biz bu oyuna qədər artıq Avropa çempionatının qalibi olmuşuq. Ümid edirəm ki, bu turnirdə Gürcüstan üçün yaxşı imic formalaşdırmışıq”.
Faktlar
* İlk hissədə qapıya 17 zərbə endirən İspaniya yığması Rusiyanın AÇ-2008-in İsveç ilə oyununda müəyyən etdiyi rekordu təkrarladı.
* Le Norman qitə çempionatında topu öz qapısına göndərən 8-ci oyunçu oldu. Bununla da turnirdə yeni rekord qeydə alındı.
* Uilyams bir oyunda start heyətində meydana çıxan, qol vuran, məhsuldar ötürmə edən və ötürmələrin dəqiqliyi üzrə 100 faizlik (46 ötürməsinin hamısı oyundaşlarına çatıb) göstəriciyə nail olan ilk futbolçu kimi qitə çempionatının tarixinə düşdü.
* Ruisə assistentlik edən 16 yaşlı Yamal qitə çempionatlarının tarixinə ən yeniyetmə məhsuldar ötürmə müəllifi kimi düşdü.
* Yamal qitə çempionatının oyununda qapıya azı 5 zərbə endirən və oyundaşları üçün azı 5 qol vəziyyəti yaradan ikinci futbolçu oldu. O, Gürcüstanla matçda 7 zərbə və 6 təhlükəli vəziyyət yaratmaqla fərqləndi. Yamaldan əvvəl belə göstəricilərə AÇ-2004-ün İngiltərə ilə oyununda fransalı Zinəddin Zidan nail olmuşdu (6 zərbə və 6 təhlükəli vəziyyət).
* Mamardaşvili turnirdə 30 seyv etdi. Gürcü qapıçı bu planda yalnız AÇ-2008-də daha çox qola mane olan rusiyalı İqor Akinfeyevdən geri qalır.
Digər xəbərlər
