Gürcüstan yığması üçün tarixi nəticə - REPORTAJ
F qrupu
N 22. Gürcüstan – Çexiya 1:1 (1:0)
25. Georgi Mamardaşvili
3. Laşa Dvali
4. Quram Kaşiya (k)
5. Solomon Kverkveliya
(15.Georgi Qvelesiani, 82)
21. Georgi Sitaişvili
(14. Luka Loçoşvili, 62)
20. Anzor Mekvabişvili
6. Georgi Koçoraşvili
2. Otar Kakabadze
7. Xviça Kvaratsxeliya
(23. Saba Lobyanidze, 82)
22. Jorj Mikautadze
(11. Georgi Kvilitaya, 88)
9. Zuriko Davitaşvili
(10. Georgi Çakvetadze, 62)
Ehtiyat oyunçular
1. Georgi Loriya
12. Luka Quqeşaşvili
8. Budu Zivzivadze
13. Georgi Qoçoleişvili
16. Nika Kvekveskiri
17. Otar Kiteişvili
18. Sandro Altunaşvili
19. Levan Şengeliya
24. Camal Tabidze
26. Qabriel Siqua
Baş məşqçi: Villi Sanyol
1. İndrjix Stanek
18. Ladislav Kreyçi
4. Robin Qranaç
3. Tomaş Qoleş
15. David Yurasek
(8. Petr Şevçik, 81)
22. Tomaş Souçek (k)
14. Lukaş Provod
(7. Antonin Barak, 81)
5. Vladimir Tsoufal
9. Adam Qlojek
(20. Ondrjey Linqr, 55)
10. Patrik Şik
(13. Moymir Xitil, 68)
17. Vatslav Çernı
(26. Matey Yurasek, 55)
Ehtiyat oyunçular
16. Matey Kovarj
23. Vitezslav Yaroş
2. David Zima
6. Martin Vitik
11. Yan Kuxta
12. David Doudera
19. Tomaş Xorı
21. Lukaş Çerv
24. Tomaş Viçek
25. Pavel Şults
Baş məşqçi: İvan Qaşek
Qollar: J.Mikautadze, 45+4-p. (1:0). P.Şik, 59 (1:1).
Vərəqələr: V.Tsoufal, 18. Q.Kaşiya, 36. L.Provod, 40. D.Yurasek, 47. T.Qoleş, 53. T.Souçek, 81. G.Qvelesiani, 82. A.Mekvabişvili, 83. G.Koçoraşvili, 90+4 - sarı.
Hakimlər: DANİEL ZİBERT, Yan Zaydel, Rafael Foltin (hamısı Almaniya).
VAR hakimləri: Marko Frits (Almaniya), Devid Kut (İngiltərə), Pol van Bukel (Niderland).
22 iyun. Hamburq. “Folksparkştadion” stadionu. 46524 tamaşaçı (49000 yerlik).
Birinci hissəyə 2, ikinci hissəyə 5 dəqiqə əlavə olunub.
Oyunun ən yaxşısı: Georgi Mamardaşvili.
oyunun statistikası
5 (1) qapıya (“çərçivə”yə) zərbə 26 (11)
12 qayda pozuntusu 17
5 künc zərbəsi 11
0 ofsayd 1
4 (0) sarı (qırmızı) vərəqə 5 (0)
45 topa sahibolma (faizlə) 55
311 (243) ötürmə (dəqiq) 507 (445)
96,4 məsafə (km) 103,5
Təsadüfə bax ki, Gürcüstan və Çexiya yığmaları ilk dəfə məhz Avropa çempionatının final mərhələsində qarşılaşdı! Əlbəttə, hər iki komandanın ilk görüşdə uğurlu nəticə üçün mübarizə aparacağı aydın idi. Bunu həm də rəqiblərin qitə birinciliyinə məğlubiyyətlə başlaması diqtə edirdi.
Favorit statusu daşıyan çexlər ilk dəqiqələrdən rəqib qapısı qarşısında gərginlik yaratmağa başladılar. Onların hesabı erkən açması Mamardaşvilinin inamlı oyunu sayəsində mümkün olmadı. Amma “Valensiya”nın qapıçısı hissənin ortalarında topu qapısında gördü. Qlojekin vurduğu qol VAR-ın müdaxiləsi ilə müşayiət olundu. Nəticədə çex hücumçunun qolu topun onun əlinə dəyməsinə görə hesaba alınmadı. Maraqlıdı ki, bundan sonra İvan Qaşekin komandasının hücumdakı fəallağı tədricən azalmağa başladı. Gürcülər bundan yararlanaraq oyunu meydanın rəqibə aid olan hissəsinə yönətməyə nail oldular. Çexlər topa nəzarəti yenidən ələ almağa çalışanda isə qafqazlıların ciddi müqaviməti ilə üzləşdilər. Fasilə ərəfəsində isə slavyanlar şok yaşadılar. Kaşiya əlverişli vəziyyətdə olsa da, topu Stanekin üstünə vurdu. Gözəl şansın bununla da boşa verildiyini düşünmək olardı. Lakin VAR epizoda növbəti dəfə müdaxilə etdi və cərimə meydançasında Qranaçın topa əli ilə toxunduğu müəyyən edildi. Yeri gəlmişkən, çex müdafiəçi Portuqaliya ilə matçda topu öz qapısına göndərmiş və son dəqiqələrdə səhv etməklə rəqibin əzmkar qələbə (2:1) qazanmasına səbəbkar olmuşdu. Robinin növbəti səhvi Mikautadzenin penalti ilə hesabı açmasına şərait yaratdı.
Amma qafqazlılar hesabdakı üstünlüyünü qoruya bilmədilər. 9-cu dəqiqədə Şik hesabı bərabərləşdirdi. “Bayer-04”ün 28 yaşlı hücumçusu qitə çempionatında 6-cı qolunu vurdu. Patrik məşhur həmyerlisi Milan Baroşu arxada qoyaraq milli komandanın turnirdəki ən yaxşı bombardiri oldu. Qaşekin komandası cavab qolundan sonra bir neçə dəfə hesabı öz lehinə çevirə bilərdi. Lakin matç ərzində 10 (!) dəfə seyv edən və matçın ən yaxşı oyunçusu seçilən Mamardaşvilinin fantastik oyunu Gürcüstan yığmasının tarixi nəticə qazanmasını rəsmiləşdirdi.
Reaksiyalar
Villi Sanyol:
“Çexlər start fitindən son dəqiqəyə kimi təzyiq göstərdilər. Bu, bizi təəccübləndirmədi. Güclü rəqiblə qarşılaşdığımızı bilirdik. Onların qol vurmaq üçün şansları çox oldu. Amma xoşbəxtlikdən Gürcüstan yığmasının əla qapıçısı var. Mamardaşvili, sadəcə, fantastik oynadı! Amma biz də qalib gələ bilərdik. Lobyanidze son saniyələrdə gözəl şansı əldən verdiyinə görə çox məyus oldu. Ona dedim ki, qol vurmayan yeganə oyunçular heç vaxt buna cəhd etməyənlərdi. Bütün Gürcüstan böyük turnirdə qazanılan ilk xaldan həzz alacaq. Gürcüstan xalqı bu nəticəni özünəməxsus şəkildə qeyd edəcək”.
İvan Qaşek:
“Gürcüstan millisini və onun baş məşqçisi Villi Sanyolu xal qazandıqlarına görə təbrik edirəm. Düşünürəm ki, hər iki komanda azarkeşlərin xoşuna gələn möhtəşəm oyun nümayiş etdirdi. Stadionda əla atmosfer var idi. Matçın böyük hissəsində üstünlüyə malik olduq, lakin ikinci qolu vura bilmədik. Qapıya endirdiyimiz 26 zərbə sözünü deyir. Amma etiraf etməliyik ki, son dəqiqədə əks-hücumda rəqib şansından istifadə etmədiyi üçün sevindik”.
Georgi Mamardaşvili, Gürcüstan yığmasının qapıçısı:
“Qələbə qazansaydıq, bizim üçün möhtəşəm nəticə olacaqdı. Son anda əla imkandan yararlana bilmədik, amma bir xal da çox yaxşı nəticədi. Bu nəticə bütün Gürcüstan üçün tarixi hadisədi. Biz bu turnirdə pley-offa çıxmaq istəyirik”.
