"Çempionatın səviyyəsindən, ən çox da hakimlikdən razıyam. Axır ki VAR ilə hakimlər arasında sinxron əlaqə yaradılıb. Bizim çempionatdan fərqli orda VAR matçın ruhunu öldürmür. Futbolun səviyyəsi birbaşa hakimliklə bağlıdı. İndiyə qədər ansısa hakim qalmaqalı olmayıb. Daim hakimliyi tənqid edən adamlar belə danışmağa bir mövzu tapmır. Bu çox gözəldi. Komandalar məni mənfi və müsbət mənada təəccübləndirdi. Bir tendensiyanı deyə bilərəm ki, ulduz sayılan futbolçular hələlik susqundu. Bəlkə də pley-off mərhələsində sözlərini deyəcəklər. Mbappenin bir qolu var, onu da penaltidən vurub. Kroos yalnız açılış oyununda gözəl oynayıb. Modriç artıq yaşlanıb. Ronaldo hələ də fərqlənməyib. Əvəzində Avstriya, İsveçrə kimi saat mexanizminə bənzəyən komadalar var. Baş məşqçilərin çempionatıdı. Daha çox düşünülmüş, komanda, yığcam şəkildə oynayan qələbə qazanır. Eyni zamanda Ukrayna, Serbiya kimi komandalar ulduzlardan ibarət olsa da, hər biri tanınmış klublarda oynasa da, komanda şəklində uğurlu deyillər. Hələlik əsas tendensiya ulduzların sönük çıxış etməsidi".

"Bəli, Azərbaycan yığmasını da orda görəcəyik. 48 komanda çıxış edəndə biz də orda olacağıq".