Ötənlərin məşhur niderlandlı forvardı Ruud van Nistelrooy tezliklə ''Mançester Yunayted''in məşqçilər korpusunda peyda ola bilər.

Niderland mətbuatının yazdığına inansaq, o, həmyerlisi Erik ten Haqın köməkçisinə çevrilməyə əsas namizəddi. Danışıqlar davam edir. ''Yunayted'' 47 yaşlı Nistelrooy üçün heç də yad klub deyil. O, futbolçu kimi bu klubda 2001-06-cı illərdə top qovub və 219 oyunda 150 qol vurub. Manikunianlardan başqa o, ''Real'', ''Hamburq'', ''Malaqa''nın şərəfini qoruyub. Məşqçi karyerasına isə 2014-də Quus Hiddinkin Niderland yığmasında köməkçisi olmaqla başlayıb. Daha sonra uzun müddət PSV-nin akademiyasında çalışan Nistelrooy ən son 2022-23-cü illərdə eyndhovenlilərin əsas komandasını çalışdırıb.

PSV onun rəhbərliyi altında ölkə kuboku və ölkə superkubokunu qazanıb.

ƏLİ