Tuxel nə qədər irəli düşəcək?

“Bavariya” sabiq baş məşqçisi Tomas Tuxelə təzminat ödəyəcək.

“Football-plus.az” xəbər verir ki, Münhen klubu yerli mütəxəssisi 2023/24 mövsümü başa çatdıqdan sonra istefaya göndərib. Tuxel hazırda işsizdi. Almaniya mətbuatının məlumatına görə, “Bavariya” Tuxelə 10 milyon avro cərimə ödəməlidi, lakin məbləğin bir hissəsi ləğv edilə bilər. Bu, məşqçi 2025-ci ilin iyununa qədər - yəni “Bavariya” ilə müqaviləsinin müddəti başa çatana qədər özünə yeni iş tapsa, baş verəcək. Silinəcək pulun məbləği müqavilənin müddətinin bitməsinə nə qədər vaxt qalmasından asılıdı. Lakin Tuxel işsiz qalarsa, klub ona 10 milyon avronu ödəmək məcburiyyətində olacaq.