Kriştiano Ronaldo milli komandada qadağ ilə üzləşib.
“Football-plus.az” xəbər verir ki, Portuqaliya yığmasının baş məşqçisi Roberto Martines kapitanı bununla bağlı xəbərdar edib. “Relevo”nun yaydığı xəbərə görə, ispaniyalı çalışdırıcı 39 yaşlı hücumçuya ona ən yaxın olan adamların milli komanda ilə eyni oteldə yaşamasına icazə verməyib. Qeyd edək ki, Kriştianonun yaxın dostları həmişə komanda ilə birgə olub. Martines isə bu ənənənin davam etdirlməməsini istəyib. O, futbolçuların və xüsusilə Ronaldonun matçlara konsentrasiyasını artırmaq üçün belə qərar verib. Komandanın üzvləri forvardın bu şərtlərə razılaşmasını yüksək qiymətləndirib.