İyunun 15-də futbol dünyasından birdən-birə iki üzücü xəbər gəldi.

54 yaşlı sabiq ingiltərəli forvard Kevin Kempbelldən başqa qapıçı Matiya Şarkiçdən də şok xəbər gəldi. 26 yaşlı əlcək sahibi səhər saatlarında öz evində dostları ilə birlikdə vaxt keçirərkən birdən-birə vəziyyəti pisləşdi. Həkimlərin bütün səyinə baxmayaraq onun həyatını xilas etmək mümkün olmadı. Ölümün dəqiq səbəbi barədə hələ ki, məlumat yoxdu.

Şarkiç İngiltərədə doğulmuş monteneqrolu qapıçı idi. ''Aston Villa''nın yetirməsi olan əlcək sahibi bu klubdan başqa ''Uiqan'', ''Livinqston'', ''Şrüsberi'', ''Birmingem'', ''Vulverhempton'' və ''Stok Siti''də forma geymişdi. Ötən mövsümü ''Miluoll''da keçirmişdi. Monteneqronun iyunun 6-da Belçikaya 0:2 məğlub olduğu qarşılaşmada qapını məhz Şarkiç qorumuşdu. Bu, onun yığmadakı 9-cu oyunu idi. Yaşı elə də çox olmayan qapıçının ölümü Monteneqro futbol ictimaiyyətini şoka salıb.

ƏLİ