İyunun 7-9-u aralığında dünyada milli komanda səviyyəli növbəti oyunların həyəcanı yaşandı. Avropa çempionatına və Amerika Kubokuna (AK) hazırlaşan yığmalar gücünü yoldaşlıq görüşlərində sınadılar.

"Football-plus.az" xəbər verir ki, bir neçə gün əvvəl evdə Ukrayna ilə qolsuz heç-heçəyə razılaşan Almaniya bu dəfə Yunanıstana qalib gələ bildi. Hərçənd Münhenqladbaxdakı oyunda hesabı qonaq komanda açdı. Amma AÇ-2024-ün final mərhələsinin keçiriləcəyi ölkənin komandası fasilədən sonra Haverts və Qrossun qolları ilə 2:1 hesablı qələbəyə nail oldu. Qeyd edək ki, bundestim bu il keçirdiyi 4-cü sınaq matçında 3-cü qələbəsini qazandı.
Londondakı “Uembli” stadionunda keçirilən İngiltərə - İslandiya matçında isə gözlənilməz nəticə qeydə alındı. Qarşıdakı qitə çempionatına favoritlərdən biri kimi yollanacağı gözlənilən ev sahibləri Torsteynssonun fasilə ərəfəsində vurduğu qola heç cür cavab verə bilmədilər. Maraqlıdı ki, AÇ-2020-nin finalçısı olan İngiltərə son 5 oyunda yalnız 1 qələbə qazanıb. Bu oyunlardan 2 heç-heçə və 2 məğlubiyyətlə ayrılan Qaret Sautqeytin komandası ilə bağlı diqqəti cəlb edən bir fakt da var. İngiltərə son 70 ildə ilk dəfə “Uembli”də baş tutan ardıcıl üç matçda qapısında ilk qolu görən komanda oldu. Xatırladaq ki, “futbolun yaradıcıları” İslandiya ilə görüşdən əvvəl məşhur arenada Braziliyaya uduzmuş (0:1), Belçika ilə heç-heçə (2:2) oynamışdı. İngiltərə yığmasının “Uembli”də 2018-ci ildən (onda bu stadionda ardıcıl üç heç-heçə qeydə alınmışdı) sonra ilk dəfə 3 matçda qalib gələ bilmədiyini də qeyd edək.

AÇ-2024-ün favoritlərindən sayılan Fransa bir neçə gün əvvəl Lüksemburqun qapısından üç cavabsız top keçirmişdi. Amma bu dəfə Bordoda AK-ya hazırlaşan Kanada ilə qolsuz “sülh”ə razılaşdı.

Gözlənildiyi kimi, İspaniya Andorradan (5:0) sonra Şimali İrlandiyaya da böyük hesabla qalib gəldi. Luis de la Fuentenin komandası qapısında gördüyü erkən qola 5 dəfə cavab verməklə qitə çempionatı ərəfəsində əal formada olduğunu göstərdi. İtaliya Bosniya və Hersoqovinanı 1, Belçika isə Lüksemburqu 3 cavabsız qolla məğlub etdi.

Ən çox maraq doğuran Portuqaliya - Xorvatiya matçı balkanlıların 2:1 hesablı qələbəsi ilə nəticələndi. 8-ci dəqiqədə penalti ilə hesabı açan Modriç milli formada 175-ci oyunda 25-ci qolunu vurdu. “Real”ın yarımmüdafiəçisi bu göstəriciyə görə 5-ci yerə çıxdı. Luka indi yığmada qol sayına görə Şuker (45), Perişiç, Mancukiç (hər ikisi 33) və Eduardodan (29) geri qalır.

Almaniya – Yunanıstan 2:1
Haverts, 55. Qross, 89 – Masuras, 33.
Almaniya: Noyer, Rüdiger (Şlotterbek, 68), Ta, Mittelştadt (Raum, 46), Kroos, Gündoğan (Qross, 68), Andrix (Füllkruq, 69), Virts (Sane, 46), Kimmix (Henrixs, 68), Haverts, Musiala.
İngiltərə - İslandiya 0:1
Torsteynsson, 32.
İngiltərə: Remsdeyl, Uoker (Aleksander-Arnold, 64), Stounz (Konsa, 46), Qehi, Trippyer (Qomes, 64), Rays, Foden, Palmer (Eze, 77), Maynu, Qordon (Saka, 65), Keyn (Touni, 64).
Portuqaliya – Xorvatiya 1:2
Jota, 48 – Modriç, 8-p. Budimir, 56.
Portuqaliya: Koşta, Mendeş (Kanselo, 46), Diaş, İnasio, Dalot (Semedu, 46), Vitinya (Nunyeş, 84), Palyinya, Fernandeş (Netu, 70), Silva, Feliş (Leao, 46), Ramuş (Jota, 46).
Xorvatiya: Livakoviç, Qvardiol, Ponqraçiç, Şutalo, Stanişiç, Brozoviç (İvanuşets, 75), Kovaçiç (Vlaşiç, 75), Modriç (Suçiç, 54), Kramariç (Perişiç, 54), Mayer (Paşaliç, 54), Budimir (Petkoviç, 67).
Danimarka – Norveç 3:1
Höybyerq, 12. Vesterqor, 21. Poulsen, 90 - Holann, 72.
Danimarka: Şmeyhel, Kristiansen, Vesterqor, Andersen, Ba (Mehle, 62), Hülmann (Dileyni, 46), Kristensen (Kyaer, 62), Höybyerq, Damsqor (Poulsen, 84), Skov Olsen (Eriksen, 62), Höylunn (Dolberq, 62).
İspaniya – Şimali İrlandiya 5:1
Pedri, 12; 29. Morata, 18. Ruis, 35. Oyarsabal, 60 – Ballard, 2.
İspaniya: Simon, Kukurelya (Qrimaldo, 46), Le Norman, Naço (Lyaport, 52), Navas (Karvaxal, 46), Ruis, Rodri, Pedri (Merino, 61), Uilyams, Yamal (Xoselu, 72), Morata (Oyarsabal, 52).
Fransa – Kanada 0:0
Fransa: Menyan, Upamekano (Konate, 62), Kunde, Saliba, Ernandes (Mendi, 46), Kante, Kamavinqa, Dembele (Koman, 74), Qrizmann (Kolo Muani, 87), Türam (Mbappe, 74), Jiru (Barkola, 62).
İtaliya – Bosniya və Hersoqovina 1:0.
Frattezi, 38.
İtaliya: Donnarumma, Darmian, Bellanova (Dimarko, 66), Buoncorno, Kalafyori, Kambyaso, Jorjinyo (Pelleqrini, 65), Frattezi (Folorunşo, 76), Facoli (Kristante, 65), Kyeza (Raspadori, 77), Skamakka (Retegi, 84).
Belçika – Lüksemburq 3:0
Lukaku, 32; 57. Trossar, 81.
Belçika: Kastels, Menye (De Kuyper, 16), Kastan (Bakayoko, 65), Vitsel (Vranks, 46), Fas, Onana (Debas, 65), Manqalya, Dokyu (Ferreyra Karrasko, 65), De Bruyne (De Ketelare, 72), Trossar, Lukaku.
Polşa – Ukrayna 3:1
Valyukoviç, 11. Zyelinski, 16. Romançuk, 30 – Dovbik, 42.
Polşa: Skorupski, Salamon, Kivyor, Valyukoviç (Bereşinski, 61), Zalevski (Puhaç, 72), Zyelinski (Levandovski, 61), Romançuk (Moder, 60), Şimanski, Skuras, Milik (Urbanski, 5/Kaluzinski, 61), Buksa.
Ukrayna: Buşan, Tımçik, Bondar, Taloverov, Mikolenko (Zinçenko, 46), Yarmolenko (Sıqankov, 70), Zubkov (Mudrik, 70), Sidorçuk, Malinovski (Mihayliçenko, 70), Sudakov (Şaparenko, 81), Dovbik (Vanat, 76).
Argentina – Ekvador 1:0
Di Mariya, 40.
Argentina: E.Martines, Akunya, Montyel (Martines Kuarta, 86), Lisandro Martines, K.Romero, Di Mariya (Messi, 56), Paredes (N.Qonsales, 78), De Paul (E.Palasios, 86), Lo Çelso, Lautaro Martines (E.Fernandes, 86), Alvares (Korrea, 78).
Meksika - Braziliya 2:3
Kvinyones, 73. G.Martines, 90+2 – Pereyra, 5. Martinelli, 54. Endrik, 90+6.
Braziliya: Alisson, Gilyerme Arana, Eder Militao, Bremer, Duqlas Luis (Bruno Gimaraynş, 74), Koutu, Pereyra (Lukas Paketa, 61), Ederson (Joao Qomes, 84), Martinelli (Pepe, 61), Evanilson (Endrik, 61), Savinyo (Vinisius Junior, 74).
İsveçrə - Avstriya 1:1
Vidmer, 26 – Baumqartner, 5.
İsveç – Serbiya 0:3
S.Milinkoviç-Saviç, 18. Mitroviç, 60. Tadiç, 70.
Sloveniya – Bolqarıstan 1:1
Şporar, 14 – Despodov, 4-p.
Macarıstan – İsrail 3:0
Şallai, 11. Varqa, 19; 22.
Monteneqro – Gürcüstan 1:3
Yovetiç, 66 – Kiteişvili, 10. Mikautadze, 33. Zivzivadze, 83.
Peru – Paraqvay 0:0
Bruney – Şri Lanka 1:0
Əli Rəhman, 61.
Moldova – Cənubi Kipr 3:2
Motspan, 33. Stina, 71. Boqaçuk, 78 – Şpolyariç, 51. Pittas, 53.
ABŞ – Kolumbiya 1:5
Vea, 58 – Aryas, 6. Borre, 19. Rios, 77. Karraskal, 85. Sinisterra, 88.
Slovakiya – Uels 4:0
Kutska, 45. Bojenik, 56. Ampadu, 60-öz qapsına. Beneş, 90.