''Ölkəmlə birlikdə AÇ-yə yollana bilməyəcəyimi öyrəndim. Bu xəbər məni çox üzdü. Zədəmin daha sürətlə sağalacağını düşünürdüm. Amma belə olmadı. Komanda yoldaşlarıma və yığmamızın düşərgəsində yer alacaq hər kəsə uğurlar arzulayıram. Sizi dəstəkləməkdə davam edəcəm''. ''Qalatasaray''da 3-cü mövsümünü tamamlayan 25 yaşlı futbolçunun komandadan ayrılması gündəmdədi. İstanbul nəhənginin çempionluq tədbirində Nelssonun tribunada yer alan ailəsi ilə bağlı xoşagəlməz olay yaşanmışdı. Fanatlar futbolçularla şəkil çəkdirmək və onlardan imza almaq üçün meydana axışarkən onlardan bəziləri Nelssonun həyat yoldaşı və övladına qarşı kobudluq etmişdi. Futbolçu da öz səhifəsində bundan gileylənmiş və ertəsi gün ailəsini də götürərək vətəninə yollanmışdı. Nelssona ''Sevilya'' ciddi maraq göstərir. Bu futbolçu ötən mövsüm ''sarı-qırmızılar''ın heyətində 46 rəsmi oyuna çıxaraq 2 qol vurmuşdu. Danimarka yığmasında isə o indiyə qədər 12 oyun keçirib.