Uzun müddətdi zədə səbəbindən yaşıl meydanlarda görünməyən Neymar qeyri-adi hərəkətə əl atıb.

O, komanda yoldaşının maşınının təkərlərini partladıb.

“Əl-Hilal”ın braziliyalı hücumçusu oyundaşı Renan Lodiyə belə ziyan vurub. Amma Neymara əvvəlcə həmyerlisi sataşıb: Renan onun xəbəri olmadan ayaqqabılarının iplərini bir-birinə bağlayıb. Neymar isə bu zarafatına görə komanda yoldaşından qisasını daha pis şəkildə almaq istəyib: 32 yaşlı futbolçu Lodinin maşınının təkərlərini deşib.

Neymar “Əl-Hilal”a 2023-cü ilin yayında PSJ-dən keçib. O, ötən ilin oktyabrından zədəli olduğu üçün Amerika Kubokunda Braziliya yığmasına kömək edə bilməyəcək.