“Bir yerə qədər dözsəm də, sonradan bu insanlara qarşı mübarizə aparmaq qərarına gəldim. Söyüş söyən insana eyni şəkildə cavab verdikdə onun xarakterinə və səviyyəsinə enmiş olursan. Belələrini səssiz şəkildə cəzalandırmaq lazımdı. Son aylarda mənə və ailəmə yönələn şərhlərin, paylaşımların hamısını müəyyənləşdirdik. Ümumilikdə 1500-ə yaxın adamı məhkəməyə verdik. Bəzi proseslər artıq yekunlaşıb. Sayt sahibi olanlar 150 min lirə, mənim özümə təhqir yönəldən adi şəxslər isə 30 min lirə cərimə ödəyiblər. 20 min lirə vəkil pulu da onlar tərəfindən ödənilib. Bu təzminatları uşaqlar evinə, kimsəsizlər yurduna və sahibsiz itlərin reabilitasiya mərkəzinə bağışlamışam. İndiyə qədər səhv etmirəmsə, 87 proses yekunlaşıb və onların hamısında qalib gəlmişəm. 1000-dən çox şəxslə bağlı məhkəmə prosesi davam edir. Bundan başqa, təhqir yazanlar arasında təxminən 200-ə yaxın şəxs yetkinlik yaşına çatmayanlar və məmurlardı. Dövlətimə olan sevgi və hörmətimə görə onların cəza almasını istəmədim. Bundan sonrakı dönəmdə də övladımı, namusumu, ailəmi təhqir edənlərə qarşı mübarizəni davam etdirəcəm. Hətta vəkillərimə tapşırmışam ki, bundan sonrakı dönəmdə onların cərimələri və təzminatları daha da yüksəldilsin. Futbol bir idman növüdü. İdman isə sevgi, hörmət və qardaşlıq deməkdi. Heç kim başqasını təhqir etmək haqqına sahib deyil. Mən eyni zamanda məşq və hazırlıq metodları ilə bağlı kitab da yazmışam. Ordan əldə edilən gəliri isə şəhid və qazi ailələrinin övladlarının təhsili ilə məşğul olan quruma bağışlamışam”.