“Tovuz komandasına keçid üçün doğru zaman olduğunu hesab etmirəm” - Aftandil Hacıyev
Bilindiyi kimi, Ayxan Abbasovu istefaya göndərən “Turan Tovuz” baş məşqçi axtarır. Bu posta namizədlər sırasında hazırda “Qarabağ”ın akademiyasında çalışan Aftandil Hacıyev də var. Hətta rəhbərlik onu danışıq aparmaq üçün Tovuza dəvət edib.
Bəs Hacıyevin təklifə cavabı nə olub? O, “Football-plus.az”a açıqlamasında bunları bildirdi:
“Hazırda “Qarabağ”la müqaviləm davam edir. Bu klub mənə həm məsuliyyət, həm də dəyər verib, “Turan Tovuz”la isə görüşümüz olub və dəvətə görə rəhbərliyə təşəkkür edirəm. Sadəcə, Tovuz komandasına keçid üçün doğru zaman olduğunu hesab etmirəm. Gələcəkdə hər şey mümkündü. “Turan Tovuz”a uğurlar arzulayıram”.
Aftandil bəy Ayxan Abbasovla dostluq münasibətləri ilə bağlı sualımıza isə belə cavab verdi: “Qərar veriləndən sonra səbəbi müzakirə olunmasa, yaxşı olar”.
RÖYANƏ OĞUZ
Digər xəbərlər
