"Çalışacağıq yayını daha da maraqlı edək. Yeganə matç olduğundan bütün qüvvəmizi səfərbər etmişik. Yayın əvvəldən başlayacaq. Ölkə kubokunun finalıyla bu mövsümə yekun vurulacaq. İstərdik ki, sonuncu işimiz daha parlaq, maraqlı və rəngarəng olsun. Hər şeyi tam açıqlamaq istəmirəm. Onu deyə bilərəm ki, tamaşaçılar ilk dəqiqələrdən fərqi hiss edəcəklər. Son məlumata görə, 4 mindən çox bilet satılıb. Statistikanı nəzərə alsaq, oyunun vaxtı yaxınlaşdıqca daha çox bilet satışının reallaşması mümkündü. PFL, AFFA və komandaların özləri də bu oyuna çox ciddi yanaşır. Müxtəlif sosial şəbəkə səhifələrində təbliğat aparırlar. "CBC Sport" isə finalla bağlı xüsusi layihə hazırlayıb. Mayın 30-da filmin ilk hissəsini yayınladıq. Finaldan sonra isə ikinci hissəsini təqdim edəcəyik. Kubokun həyəcanını izləyicilər tam şəkildə ala biləcəklər. Hər kəsi stadiona dəvət edirik. Müxtəlif səbəblərə görə gələ bilməyənlər isə inanıram ki, "CBC Sport"dan oyunu izləyib, zövq alacaq".