Modriç Rodriqonun atasından bir il kiçikdi - Braziliyalı xorvata “ata” deyir...
“Real” bu yay iki veteranı – 38 yaşlı Luka Modriçlə 34 yaşlı Toni Kroosu heyətdə saxlamağı planlaşdırırdı.
Almaniyalı ulduz AÇ-2024-dən sonra karyerasını bitirməyə qərar verdi, xorvat isə minimum bir il də komandada qalacaq.
“Real”ın braziliyalı vingeri Rodriqo ölkəsinin “Placar” nəşrinə komandası üçün təcrübəli oyunçuların önəmindən danışıb:
“Çempionlar Liqasının beşqat qalibi olan, “Qızıl top”u qazanan 38 yaşlı Modriçi künc zərbəsindən sonra cərimə meydançasına qaçan görəndə biz gənclərin işi asanlaşır. Düşünürəm ki, bəs mən niyə qaçmayım? Böyüklər nümunə göstərir və hər kəs “Real”ın nə demək olduğunu anlayır”.
Modriçlə Rodriqo arasında xüsusi bağlar var. İş o yerə çatıb ki, xorvat braziliyalıya “oğul”, o isə yaşlı həmkarına “ata” deyir. Məsələ ondadı ki, Rodriqonun əsl atası Modriçdən cəmi bir il böyükdü:
“Mən Luka Modriçlə söhbət edəndə atamın ondan yalnız bir il böyük olduğunu bildi. Bir dəfə mənə belə dedi: “Bir halda ki atan yaşındayam, sən mənə hörmət etməlisən. Həmin vaxtdan bəri o mənə “oğul” deməyə başladı, mən isə ona “ata”. Luka ilə oynamaq adama məmnunluq bəxş edir. O, birgə oynadığım və gördüyüm ən yaxşı futbolçudu. Belə adamla münasibət saxlamaq möhtəşəmdi”.
