“Bu vəzifəyə gəldiyimiz gündən bəri “Fənərbaxça”ya qarşı hər cür haqsızlığa yol verənlərə qarşı mübarizə apardıq. İşimi tamamlamadığım üçün yenidən namizəd olmaq qərarına gəldim. Həm də köhnə təfəkkürün bura qayıtmasına imkan vermək istəmirəm. Sabiq başqanımız “Fənərbaxça”nın önünü kəsəni əzəcəm” deyir. Halbuki bu haqsızlıqla ən çox o özü qarşılaşmışdı. 7 il ərzində 3 dəfə çempionluğumuz son dəqiqələrdəki “oyunlarla” əlimizdən alındı. Avtobusumuz atəşə tutuldu. İndiyə kimi də günahkarlar tapılmayıb. Nə oldu, bu haqsızlığa yol verənləri nə üçün o zaman əzmədi? Nə üçün bu günləri gözlədi? İqtidarda olarkən, yəni əli qüvvətli ikən bunu edə bilməyən adam indi necə edəcək? “Bu klubu çempion edəcəyik, amma borclar məni maraqlandırmır” nə deməkdi? Borc səni necə maraqlandırmaya bilməz? Biz gələndən sonra CAS-da neçə işi bağladıq? İndi bir futbolçuya da borcumuz yoxdu. Bu 6 ildə bizim heç nə etmədiyimizi söyləmək, sadəcə, nankorluqdu! “Mən borca qarışmıram, yalnız çempion etməyə gəlirəm” ifadəsi isə ucuz populizmdən başqa bir şey deyil. Qapalı meydanlarda bir-birimizə söz atmaq, ləkə yaxmaq zamanı deyil. Gəlin, cəsur və mədəni şəkildə üz-üzə görüşək. Səsləndirdiyi iddialara güvənən şəxs bunu digər namizədin üzünə söyləməkdən çəkinməməlidi. “Fənərbaxça”nı “Koçspor” adlandıranlar utansın. Siz klubdan ayrılarkən heç forma sponsoru belə yox idi. İndi bütün idman növlərində “Fənərbaxça”nın formasında reklam üçün boş yer yoxdu. İdman direktorumuz Mario Brankonun işindən razıyam. Geridə qoyduğumuz mövsüm onunla yaxşı işlərə imza atdıq. Yeni mövsümdə də bizimlə yola davam edəcək. Artıq neçə aydı köməkçiləri ilə birlikdə yeni mövsümün çalışmalarına başlayıb. Əslində heyətlə bağlı elə də ciddi problemimiz yoxdu. İrfan Can, Fərdi, Fred, Osayi-Samuel... Astronomik təkliflər almasaq, bu futbolçuların hamısı bizimlə qalacaq. Gələn mövsüm budəfəkindən də güclü heyət quracağıq. Keçmişdə yol verdiyimiz səhvlərdən topladığımız təcrübə sayəsində transfer bazarında daha inamnlı hərəkət edəcəyik. Son illərdə satışlardan əldə etdiyimiz gəlir, futbolçularımıza olan maraq düzgün yolda olduğumuzu göstərir. Xüsusilə son 2 ildə hansı klublara futbolçu satdığımızı hər kəs bilir. Biz hər kəsi yendik, sistemi yenə bilmədik. Amma gələn mövsüm sistemi də yenəcəyik. O şüşə tavanı bircə dəfə qıra bilsək, özünüz də görəcəksiz ki, ardıcıl çempionluqlar qazanacağıq. Çox güclü bir idarə heyəti qurduğuma inanıram”.